پرەزيدەنت ب ا ءا قورعانىس ىستەرى جونىندەگى مەملەكەتتىك ءمينيسترى مۇحاممەد بەن مۋباراك فادەل ءال-ءمازرۋيدى قابىلدادى

كەزدەسۋدە ەكى ەلدىڭ قاۋىپسىزدىك جانە اسكەري ءبىلىم بەرۋ سالالارىنداعى ىنتىماقتاستىق پەرسپەكتيۆاسى تالقىلاندى.

مەملەكەت باسشىسى امىرلىكتەردىڭ قورعانىس ونەركاسىبىندەگى جەتىستىكتەرىنە توقتالدى، سونداي-اق وزىق تەحنولوگيا مەن يننوۆاتسيا باعىتىنداعى تاجىريبە الماسۋ مۇمكىندىكتەرىنە نازار اۋداردى.

پرەزيدەنت قازاقستان مەن بىرىككەن اراب امىرلىكتەرىنىڭ قارىم-قاتىناسى قارقىندى دامىپ كەلە جاتقانىن اتاپ ءوتىپ، ەكىجاقتى ستراتەگيالىق سەرىكتەستىكتى ودان ءارى نىعايتۋعا دايىن ەكەنىن ايتتى.

قورعانىس ءمينيسترى مەملەكەت باسشىسىنا ب ا ءا پرەزيدەنتى مۇحامەد بەن زايد ءال ناحاياننىڭ جانە پرەمەر-مينيستر، دۋباي ءامىرشىسى مۇحاممەد بەن راشيد ءال ماكتۋمنىڭ ىزگى سالەمىن جەتكىزدى.

سونداي-اق بۇل ساپار اسكەري سالاداعى ءوزارا ىقپالداستىقتى نىعايتۋعا تىڭ سەرپىن بەرەتىنىنە سەنىم ءبىلدىردى.

وسىعان دەيىن مەملەكەت باسشىسىنىڭ يتاليا پرەزيدەنتى سەردجو ماتتارەللانى ەلوردا اۋەجايىنان شىعارىپ سالعانى تۋرالى جازدىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى