پرەزيدەنت اقتوبە وبلىستىق پەريناتالدىق ورتالىعىنىڭ قىزمەتىمەن تانىستى
اقتوبە. KAZINFORM - مەديتسينالىق نىساندا جىلىنا 8200 نارەستە دۇنيەگە كەلىپ، 13 مىڭنان استام ادام ەم الادى. سونىمەن قاتار «اڭساعان ءسابي» جوباسى اياسىندا جىلىنا 130 ەكو جاسالادى. ال ەرتە ارالاسۋ ورتالىعىندا 200 بالا وڭالتۋ شارالارىمەن قامتىلادى، دەپ حابارلايدى اقوردانىڭ باسپا ءسوز قىزمەتى.
پرەزيدەنتكە ورتالىقتا تۋا بىتكەن سىرقاتى بار نارەستەلەرگە 50 كارديوحيرۋرگيالىق جانە وفتالمولوگيالىق وتا جاسالعانى تۋرالى مالىمەت بەرىلدى. ورتالىق اشىلعانعا دەيىن مۇنداي دياگنوزى بار سابيلەر استانا قالاسىندا ەمدەلگەن.
قاسىم-جومارت توقايەۆقا مەكەمەدە جىل باسىنان بەرى جۇزەگە اسىرىلىپ جاتقان «ءبىر كۇندىك كلينيكا» جوباسى تانىستىرىلدى. اتالعان باستاما قانمەن بەرىلەتىن اۋرۋلاردى ەرتە باستان انىقتاۋعا كومەكتەسەدى. وسى جوبا اياسىندا بۇگىنگە دەيىن 6 مىڭ ايەل مەديتسينالىق تەكسەرۋدەن وتكەن.
مەملەكەت باسشىسى مەكەمە قىزمەتكەرلەرىمەن اڭگىمەلەسىپ، ولاردىڭ جۇمىسىنا تابىس تىلەدى.
وسىعان دەيىن مەملەكەت باسشىسىنىڭ اقتوبەنىڭ جەدەل باسقارۋ ورتالىعىنا بارعانىن حابارلادىق.
