گرۋزياداعى نارازىلىق اكسياسى كەزىندە تاعى 24 ادامدى ۇستادى
تبيليسي. KAZINFORM - تبيليسي ورتالىعىندا كەشەگى نارازىلىق اكسياسى كەزىندە تاعى 24 ادام ۇستالدى. بۇل تۋرالى گرۋزيانىڭ ىشكى ىستەر مينيسترلىگى حابارلادى، دەپ جازادى Report-تىڭ گرۋزيالىق بيۋروسى.
وسىلايشا، ەل استاناسىندا ءتورت كۇن ىشىندە ۇساق بۇزاقىلىق پەن پوليتسياعا باعىنباعانى ءۇشىن اكىمشىلىك قاماۋعا الىنعاندار سانى 224 كە جەتتى.
قىلمىستىق ءىستى تەرگەۋ اياسىندا تاعى ەكى ادام ۇستالعان. تەرگەۋ انىقتاعانداي، 29-قاراشادا ولاردىڭ ءبىرى پارلامەنت عيماراتىنا تۇتاندىرعىش زات لاقتىرىپ، ءۇي-جايلاردىڭ بىرىندە ءورت شىققان، ەكىنشىسى پوليتسەيدى پيروتەحنيكالىق زاتتارمەن جاراقاتتاعان.
ۇستالعاندار 17 جاستا جانە 21 جاستا. سوڭعىسى بۇرىن بىرنەشە رەت سوتتالعان. ولار 7 جىلعا دەيىن باس بوستاندىعىنان ايىرىلۋى مۇمكىن.
گرۋزيالىق ب ا ق وپپوزيتسيالىق «گيرچي - كوبىرەك بوستاندىق» پارتياسىنىڭ ءتوراعاسى زۋراب دجاپاريدزەنىڭ ۇستالعانىن حابارلادى.
ايتا كەتەيىك، بۇعان دەيىن تبيليسيدەگى شەرۋدىڭ ءۇشىنشى كۇنىندە 44 ادام جاراقات العان.
اۆتور
جاراسقان نۇرىبايەۆ
