«رەزەڭكە پاتەرلەر»: اقشاعا ۇيىنە تىركەۋگە قوياتىندار جاۋاپكەرشىلىككە تارتىلادى

ءى ءى م ازاماتتاردىڭ تۇرعىلىقتى جەرى بويىنشا تىركەۋ جۇيەسىن جەتىلدىرۋگە ەرەكشە كوڭىل بولەدى. مۇنداي تىركەۋ جەكە باستى كۋالاندىراتىن قۇجاتتاردى الۋعا، جۇمىسقا ورنالاسۋ، بالانى بالاباقشاعا نەمەسە مەكتەپكە انىقتاۋدى، سونداي-اق جاردەماقىلار، جەڭىلدىكتەر جانە ت. ب. الۋ ءۇشىن قاجەت.

بۇگىنگى كۇنى تۇرعىلىقتى جەرى بويىنشا تىركەۋ تولىعىمەن اۆتوماتتاندىرىلعان جانە ءۇش جولمەن تىركەلۋگە بولادى.

ءبىرىنشىسى، ح ق ك و- نىڭ كەز كەلگەن بولىمشەسىندە جەكە كۋالىگى، سونداي- اق تۇرعىن ءۇي يەلەرىنىڭ بولۋى جەتكىلىكتى.

ەكىنشىسى، «ەلەكتروندىق ۇكىمەتتىڭ» ينتەرنەت-پورتالى ارقىلى. وندا ازامات تىركەۋ تۋرالى ءوتىنىم بەرە الادى، ال مەنشىك يەسى پورتال ارقىلى كەلىسىم بەرە الادى.

ءى ءى م تىركەۋدىڭ ءۇشىنشى ءادىسىن س ك ب، حالىق، كاسپي، فريدوم فينانس بانكتەرىمەن بىرگە ولاردىڭ موبيلدى قوسىمشاسىندا جۇزەگە اسىردى. ول ارقىلى جەكە باسىن راستاۋ، تىركەلۋدىڭ ءوزى جانە مەنشىك يەسىنىڭ كەلىسىمى حابارلاما- پارول ارقىلى جۇزەگە اسىرىلادى.

زاڭنامادا جەكە باسىن كۋالاندىراتىن قۇجاتسىز، سونداي- اق تۇرعىلىقتى جەرى، ۋاقىتشا بولاتىن جەرى بويىنشا تىركەۋسىز تۇرۋ ءۇشىن جاۋاپكەرشىلىك كوزدەلگەنىن اتاپ ءوتۋ قاجەت.

تۇرعىلىقتى جەرى بويىنشا تىركەلۋ جانە مەكەنجاي مالىمەتتەرىن وزەكتەندىرۋ قاجەتتىلىگى تۋرالى  حابارلاما جولدانادى. ءبىر ايعا دەيىنگى مەرزىمگە تىركەۋدىڭ جوقتىعى ءۇشىن ەسكەرتۋ تۇرىندە اكىمشىلىك جاۋاپكەرشىلىك قاراستىرىلعان، وسى مەرزىمنەن جوعارى - 7 ا ە ك مولشەرىندە ايىپپۇل، ءبىر جىل ىشىندە قايتالاپ بۇزعانى ءۇشىن - 13 ا ە ك ايىپپۇل كوزدەلگەن.

ادامداردىڭ تىركەۋسىز تۇرۋىنا جول بەرگەنى ءۇشىن تۇرعىن ءۇي يەلەرى 10 ا ە ك مولشەرىندە ايىپپۇل رەتىندە جاۋاپكەرشىلىككە تارتىلادى، ءبىر جىل ىشىندە قايتالاپ بۇزىلعان جاعدايدا ايىپپۇل مولشەرى 20 ا ە ك- كە دەيىن ۇلعايادى.

سونىمەن قاتار پوليتسيا قىزمەتكەرلەرى تۇرعىلىقتى جەرى بويىنشا تىركەۋسىز تۇراتىن ازاماتتاردى، سونداي- اق اقشاعا تىركەۋ قىزمەتتەرىن ۇسىناتىن حابارلاندىرۋلاردى جاريالايتىنداردى انىقتاۋ بويىنشا جۇمىس جالعاستىرىپ جاتىر.

ازاماتتاردى ءبىر مەكەنجاي بويىنشا كوپ تىركەۋ فاكتىلەرىن انىقتاۋ جانە جولىن كەسۋ ءۇشىن پوليتسيا دەپارتامەنتتەرىنە ناقتى تۇرمايتىنداردى تىركەۋدەن شىعارۋ جانە تۇرعىن ءۇي يەلەرىن جاۋاپكەرشىلىككە تارتۋ ءۇشىن «رەزەڭكە پاتەرلەر» بەلگىلەرى بار بارلىق مەكەنجايلاردى تەكسەرۋ بويىنشا نۇسقاۋ جىبەرىلدى.

بۇعان دەيىن قازاقستاندا زاڭدى تۇلعالاردى تىركەۋ ەرەجەلەرى وزگەرەتىنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى