ريم پاپاسى فرانتسيسك ساۋىعىپ كەلەدى. الەم كاتوليكتەرى ول ءۇشىن دۇعا ەتىپ جاتىر

ۆاتيكان 18-اقپاندا پونتيفيككە تىنىس جولدارىنىڭ پوليميكروبتىق ينفەكسياسى دياگنوزى قويىلعان سوڭ ول ەمدەۋدىڭ جاڭا كۋرسىن الىپ، اۋرۋحانادا تاعى جاتۋى ءتيىس ەكەنىن حابارلاعان. ال كەلەسى كۇنى ريم پاپاسى فرانتسيسككە ەكى جاقتى پنيەۆمونيا دياگنوزى قويىلدى.

پونتيفيك 14-اقپاندا ريمدەگى اۋرۋحاناعا جاتقىزىلدى. فرانتسيسكتىڭ دارىلىك تەراپياسى ەكى رەت تۇزەتىلدى.

- ءتۇن جاقسى ءوتتى، بۇگىن تاڭەرتەڭ پاپا فرانتسيسك تۇرىپ، تاڭعى ءاس ىشتى، - دەلىنگەن ۆاتينكاننىڭ سوڭعى مالىمدەمەسىندە.

ءبىر كۇن بۇرىن پونتيفيكتىڭ كلينيكالىق جاعدايى جاقسارىپ، قىزۋى قالىپقا كەلگەنى حابارلانعان.

فرانتسيسك 88 جاستا. بالا كەزىندە ونىڭ وكپەسىنىڭ ءبىر بولىگى الىنىپ تاستالدى، بۇل ونى ءومىر بويى وتكىر رەسپيراتورلىق ينفەكسيالارعا وسال قارايتىن ەتتى.

يەرۋساليمنىڭ لاتىن پاتريارحى كاردينال پەرباتتيستا پيتستساباللا كاتوليكتەردى «سەنىمدەگى ءبىر وتباسى بولىپ» جينالىپ، ريم پاپاسىنىڭ «دەنساۋلىعى مەن اماندىعى» ءۇشىن بىرگە دۇعا ەتۋگە شاقىردى.

- ءبىز مەسسا كەزىندە دە، ۇيلەرىمىزدە دە، جۇرەگىمىزدىڭ تىنىشتىعىندا دا جالىندى دۇعالارىمىزدى ايتامىز، قۇدايدان ريم پاپاسى فرانتسيسككە دانالىقپەن، كىشىپەيىلدىلىكپەن جانە سۇيىسپەنشىلىكپەن شىركەۋدى باسقارۋ جونىندەگى قاسيەتتى ميسسياسىن جالعاستىرا الاتىنداي دەنساۋلىق پەن كۇش-قۋات بەرۋىن سۇرايمىز، - دەدى پيتستساباللا.

پونتيفيك دەنساۋلىعىنا بايلانىستى وتستاۆكاعا كەتۋ تۋرالى شەشىم قابىلداۋى مۇمكىن دەگەن بولجام بار.

ەسكە سالا كەتسەك، 2024-جىلدىڭ كوكتەمىندە ريم پاپاسى قازاقستاندا سۋ تاسقىنىنان زارداپ شەككەندەر ءۇشىن دۇعا ەتۋگە شاقىردى.

2024-جىلدىڭ 19-قاڭتارىندا مەملەكەت باسشىسى ريم پاپاسىنىڭ شاقىرۋىمەن قاسيەتتى تاققا العاشقى رەسمي ساپارىن جاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى