ريددەر جىلۋ ورتالىعى جەكە مەنشىكتەن مەملەكەت مەنشىگىنە ءوتتى

ريددەردەگى جىلۋ ەلەكتر ورتالىعىنىڭ قىسقا دايىندىعى - 80 پايىز. جوندەۋ جۇمىستارى اياقتالعان ءۇش قازاندىقتا گيدراۆليكالىق سىناق باستالادى.

ش ق و اكىمدىگىنىڭ مالىمەتىنشە، ۇيلەرگە ىستىق سۋ قىركۇيەك ايىنىڭ سوڭىندا بەرىلەدى. ءۇش قازاندىقتىڭ قۋاتى قالانى جىلىتۋعا جانە سىرتقى تەمپەراتۋرا رەجيمى -10 گرادۋس بولعان كەزدە جەتكىلىكتى بولماق.

ال بارلىق التى قازاندىق 15-قاراشاعا دەيىن ىسكە قوسىلادى.

«بۇگىنگى تاڭداعى باستى جاڭالىقتاردىڭ ءبىرى - «ريددەر ج ە و» ا ق قالالىق اكىمدىككە قاراستى «ۆودوكانال» مەملەكەتتىك كوممۋنالدىق كاسىپورنىنا سەنىمگەرلىك باسقارۋعا اۋىستى. الداعى ۋاقىتتا ورتالىقتى مەملەكەتتىك مەنشىككە بەرۋ جۇمىستارى دا قاتار جۇرگىزىلۋدە. بۇل جۇمىس شامامەن 2 ايعا سوزىلادى. جوندەۋ جۇمىستارىنان باسقا، قاجەتتى ماماندار جۇمىسقا قابىلدانىپ جاتىر. ريددەردە بوس جۇمىس ورىندارى جارمەڭكەسى دە ءوتتى»، - دەيدى وبلىس اكىمى ەرمەك كوشەربايەۆ.

18-قىركۇيەكتەن باستاپ «قازمىرىش» كاسىپورنىنىڭ 55 قىزمەتكەرى ج ە و- عا كەلىپ، جۇمىس ىستەپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى