ەۋروكوميسسيا پرەزيدەنتى ا ق ش تاريفتەرىنە قارسى شارالار تۋرالى ايتتى
استانا. KAZINFORM - بۇگىن ەۋروپالىق كوميسسيانىڭ باسشىسى ۋرسۋلا فون دەر ليايەن ا ق ش-تىڭ ەۋروپادان بولات پەن اليۋميني ەكسپورتىنا باج سالىعىن ەنگىزۋ تۋرالى شەشىمىنە بايلانىستى مالىمدەمە جاسادى، دەپ حابارلايدى Kazinform مەنشىكتى ءتىلشىسى.
- تاريفتەر - بۇل بيزنەس ءۇشىن جامان، ال تۇتىنۋشىلار ءۇشىن ودان دا ناشار. ەۋرو وداققا قارسى نەگىزسىز تاريفتەر جاۋاپسىز قالمايدى - ولار قاتاڭ جانە پروپورتسيونالدى قارسى شارالاردى تۋدىرادى، - دەپ اتاپ ءوتتى ۋرسۋلا فون دەر ليايەن.
ونىڭ ايتۋىنشا، ەۋروپالىق وداق ءوزىنىڭ ەكونوميكالىق مۇددەلەرىن قورعاۋ ءۇشىن ارەكەت ەتەدى.
- ءبىز جۇمىسشىلاردى، كاسىپورىنداردى جانە تۇتىنۋشىلاردى قورعايمىز، - دەپ سەندىردى ە ك باسشىسى.
بۇعان دەيىن ا ق ش پرەزيدەنتى دونالد ترامپتىڭ اليۋميني مەن بولاتتىڭ بارلىق يمپورتىنا 25 پايىزدىق باج سالىعىن سالعانى حابارلانعان بولاتىن.
ەسكە سالا كەتسەك، دونالد ترامپ بارلىق بولات پەن اليۋميني يمپورتىنا 25 پايىزدىق باج سالىعىن ەنگىزەتىنىن مالىمدەدى.
اۆتور
زارينا تۋعانبايەۆا
