پروكۋرور ەكس دەپۋتات نۇرجان التايەۆتى 12 جىل تۇرمەگە قاماۋدى سۇرادى
پروكۋرور ءماجىلىستىڭ بۇرىنعى دەپۋتاتى نۇرجان التايەۆتى 12 جىلعا باس بوستاندىعىنان ايىرۋدى سۇرادى، دەپ حابارلايدى El.kz اقپارات اگەنتتىگى
«پروكۋرور ولجاس حايلروللايەۆ El-Tiregi تىركەلمەگەن پارتياسىنىڭ جەتەكشىسى نۇرجان التايەۆتى 12 جىل باس بوستاندىعىنان ايىرۋدى، بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويى ايىرۋدى سۇرادى»، - دەلىنگەن حابارلامادا.
31- قازاندا (الدىن الا تىڭداۋ كەزىندە) مەملەكەتتىك ايىپتاۋ تاراپىنىڭ ءوتىنىشى بويىنشا التايەۆتىڭ ءىسى بويىنشا سوت وتىرىسى جابىق دەپ جاريالاندى. ساياساتكەردىڭ ءوزى كىناسىز ەكەنىن جانە ونىڭ ءىسىنىڭ ساياسي استارى بار ەكەنىن مالىمدەدى.
ايتا كەتەيىك، 7- ماۋسىمدا سىبايلاس جەمقورلىققا قارسى قىزمەت جاسىرىن ءىس-شارالار كەشەنىنىڭ ناتيجەلەرى بويىنشا ەكس-ۆيتسە-مينيستر ن. ب. التايەۆتى اسا اۋىر جەمقورلىق قىلمىس جاسادى دەگەن كۇدىكپەن ۇستاعان بولاتىن.
نۇرجان التايەۆ «اتامەكەن» ۇ ك پ باسقارما ءتوراعاسى ا. ي. مىرزاحمەتوۆكە «ەڭبەك» مەملەكەتتىك باعدارلاماسى بويىنشا مەملەكەتتىك تاپسىرىستى الۋعا جاردەمدەسۋ ءۇشىن 2018-2019-جىلدار ارالىعىندا ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى بولا تۇرا، جۇيەلى تۇردە پارا رەتىندە اي سايىن 5000 ا ق ش دوللارى مولشەرىندە اقشا قاراجاتىن الدى دەگەن كۇدىككە ىلىنگەن.
ايىپتالۋشى 2020-جىلعا دەيىن اسا ءىرى كولەمدە، جالپى سوماسى 135000 ا ق ش دوللارىن قالتاسىنا باسقان.
