ەۋروپالىق وداق قىرعىزستانداعى «شەتەلدىك اگەنتتەر» تۋرالى زاڭعا الاڭداۋلى

«قىرعىز رەسپۋبليكاسىندا «شەتەلدىك وكىلدەر» تۋرالى زاڭ رەتىندە بەلگىلى «كوممەرتسيالىق ەمەس ۇيىمدار» تۋرالى زاڭنىڭ قابىلدانۋى الاڭداۋشىلىق تۋدىرادى»، - دەپ اتاپ ءوتتى.

«ازاماتتىق قوعام ۇيىمدارىنىڭ قىزمەت ەركىندىگىن شەكتەيتىن زاڭناما قىرعىز قوعامىنا جانە ونىڭ ەۋروپالىق وداق سياقتى حالىقارالىق سەرىكتەستەرمەن ىنتىماقتاستىعىنا كەرى اسەر ەتۋى مۇمكىن. ە و قىرعىز رەسپۋبليكاسىمەن نەگىزگى بوستاندىقتاردى، زاڭ ۇستەمدىگىن جانە دەموكراتيالىق ستاندارتتاردى قۇرمەتتەۋگە نەگىزدەلگەن ەكىجاقتى ىنتىماقتاستىققا بەيىلدى. بۇل قۇندىلىقتار ءبىزدىڭ جالپى پرەفەرەنتسيالار سحەماسىنىڭ (GSP+) جانە بولاشاق كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمىمىزدىڭ (EPCA) اجىراماس بولىگىن قۇرايدى»، - دەلىنگەن ەۋروپالىق ديپلوماتيانىڭ مالىمدەمەسىندە.

ەسكە سالا كەتسەك، قىرعىزستان پرەزيدەنتى سادىر جاپاروۆ «كوممەرتسيالىق ەمەس ۇيىمدار تۋرالى» قىرعىز رەسپۋبليكاسىنىڭ زاڭىنا وزگەرىستەر ەنگىزۋ تۋرالى» زاڭعا قول قويدى.

2024 -جىلدىڭ 17-قاڭتارىندا ا ق ش مەملەكەتتىك حاتشىسى ەنتوني بلينكەن قىرعىز رەسپۋبليكاسىنىڭ پرەزيدەنتى سادىر جاپاروۆقا حات جولداپ، وندا قىرعىزستان پارلامەنتىندە قارالىپ جاتقان «كوممەرتسيالىق ەمەس ۇيىمدار تۋرالى» زاڭعا وزگەرىستەر ەنگىزۋ تۋرالى زاڭ جوباسىنا الاڭداۋشىلىق ءبىلدىردى.

سادىر جاپاروۆ جاۋابىندا ادىلدىك پەن بوستاندىققا ۇمتىلۋ قىرعىز حالقىنىڭ گەنەتيكالىق كودى ەكەنىن اتاپ ءوتىپ، بلينكەننىڭ حاتىنداعى مەملەكەتتىڭ ىشكى ىسىنە ارالاسۋ بەلگىلەرىن اتاپ ءوتتى.

اۆتور

زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى