ەۋروپادا «كياران» داۋىلىنان 12 ادام كوز جۇمدى
جۇما كۇنى ەۋروپانى شارپىعان «كياران» داۋىلى قۇرباندارىنىڭ سانى 12 گە جەتتى. Kazinform بۇل تۋرالى Euronews-كە سىلتەمە جاساپ حابارلايدى.
«اتلانت مۇحيتىنىڭ جاعالاۋىنا جەتىپ، شىعىسقا قاراي جىلجىعان داۋىل يتاليانىڭ سولتۇستىك- ورتالىعىنداعى توسكانادا بەس ادامنىڭ ءومىرىن قيدى. بۇل جەردە جاۋىن- شاشىن مولشەرى رەكوردتىق دەڭگەيگە جەتتى»، - دەپ حابارلادى جەرگىلىكتى بيلىك.
فلورەنتسيادا جاعداي اسا كۇردەلى، دەپ ەسكەرتتى مەر داريو ناردەللا. ارنو وزەنىندەگى سۋ تاسقىنى جۇما كۇنى شارىقتاۋ شەگىنە جەتەدى دەپ بولجانىپ وتىر.
قاتتى جەلدەن تالاي اعاش قۇلاپ، ادام ولىمىنە اكەپ سوقتىرعان. سالدارىنان بەلگيادا ەكى ادام، فرانتسيادا ەكى ادام، مادريد ورتالىعىندا ءبىر ادام، گەرمانيادا ءبىر ادام جانە نيدەرلاندتا ءبىر ادام كوز جۇمدى.
