ەۋروپاعا جويقىن «دومينگوس» داۋىلى جاقىنداپ كەلەدى
«كياراننان» كەيىن ەۋروپاعا جاڭا كۇشتى داۋىل - «دومينگوس» جاقىنداپ كەلەدى، دەپ حابارلايدى Kazinform ەuronews-كە سىلتەمە جاساپ.
«كياران» داۋىلىنان قازا تاپقاندار سانى ەۋروپادا 16عا دەيىن ءوستى. بۇعان دەيىن 12 ادام قازا تاپقانى تۋرالى حابارلانعان بولاتىن.
جۇما كۇنى يتاليانىڭ سولتۇستىگىندە داۋىل بولدى. توسكانادا توتەنشە جاعداي جاريالاندى. بۇل ايماقتاعى كەيبىر اۋدانداردا ءبىر ايلىق جاۋىن- شاشىن ءۇش ساعاتتىڭ ىشىندە جاۋعان. قاتتى زارداپ شەككەن اۋدانداردىڭ ءبىرى - ۆەنەتو. بيلىك بۇل جاعدايدى «بۇرىن- سوڭدى بولماعان وقيعا» دەپ اتادى جانە زارداپ شەككەن اۋداندارعا كومەك كورسەتىلەتىنىن حابارلادى.
«كياران» داۋىلى يتاليانىڭ سولتۇستىگىنەن وڭتۇستىك- شىعىسقا قاراي جىلجيدى جانە ەلدىڭ وڭتۇستىك بولىگىنە، سونداي- اق بالقان ەلدەرىنە قولايسىز اۋا- رايىن اكەلدى. حورۆاتيادا، بوسنيادا، چەرنوگوريادا جانە سلوۆەنيادا قاتتى جەل اعاشتاردى قۇلاتىپ، ۇيلەردىڭ شاتىرلارىن جۇلىپ الدى.
سونىمەن قاتار ەۋروپاعا جاڭا داۋىل - «دومينگوس» جاقىنداپ كەلەدى. سەنبى كۇنى تۇستەن كەيىن كونتينەنتتىڭ وڭتۇستىك- باتىسىنا تۇسەدى دەپ بولجانىپ وتىر. پورتۋگاليادا، يسپانيادا جانە فرانسيادا جەل ساعاتىنا 150 شاقىرىمعا جەتەدى دەپ كۇتىلۋدە.
