ەۋروپا وداعىنىڭ سىرتقى ىستەر كەڭەسى ۋكرايناداعى جاعدايدى تالقىلايدى
استانا. قازاقپارات – 17-ناۋرىزدا بريۋسسەلدە ە و سىرتقى ىستەر كەڭەسى وتەدى، دەپ حابارلايدى Kazinform ءتىلشىسى.
وعان وداققا مۇشە مەملەكەتتەردىڭ 27 سىرتقى ىستەر مينيسترلىكتەرىنىڭ باسشىلارى قاتىسادى.
وتىرىستى سىرتقى ىستەر جانە قاۋىپسىزدىك ساياساتى جونىندەگى جوعارى وكىل كايا كاللاس جۇرگىزەدى.
ۋكراينا سىرتقى ىستەر ءمينيسترى اندرەي سيبيحامەن بەينەكونفەرەنتسيالىق تالقىلاۋ جوسپارلانعان.
سونىمەن قاتار، مينيسترلەر تاياۋ شىعىستاعى جاعدايدى تالقىلايدى، ودان كەيىن سيريا مەن يرانعا قاتىستى پىكىر الماسۋ بولادى. ە و مەن ا ق ش اراسىنداعى قارىم-قاتىناستارداعى جاعداي بولەك قاراستىرىلادى.
كەڭەس وتىرىسىنىڭ قورىتىندىسى بويىنشا ەۋروپالىق وداق توعىزىنشى بريۋسسەل كونفەرەنتسياسىن وتكىزەدى - «سيريانى قولداۋ: ءساتتى وتپەلى كەزەڭدەگى قاجەتتىلىكتەردى قاناعاتتاندىرۋ».
بۇعان دەيىن فرانسيا، گەرمانيا، ۇلى بريتانيا، يتاليا جانە پولشا قورعانىس مينيسترلىكتەرىنىڭ باسشىلارى پاريجدە كەزدەسىپ، ا ق ش پەن رەسەيدىڭ جاقىنداسۋىنا جاۋاپ رەتىندە ۋكراينانىڭ جاڭا قاۋىپسىزدىك قۇرىلىمىن تالقىلاعان بولاتىن.
