ەۋروپا مەن قازاقستان اراسىنداعى ۋاقىت ايىرماشىلىعى قىسقاردى

ورتالىق ەۋروپا ۋاقىتى (CET) مەن ورتالىق ەۋروپا جازعى ۋاقىتىنا (CEST) اۋىسۋ ناتيجەسىندە بۇگىنگى كۇن (30-ناۋرىز) 24 ساعاتتىڭ ورنىنا 23 ساعاتقا عانا سوزىلدى.

بەلگيادا ناۋرىز ايىنىڭ سوڭىندا جازعى ۋاقىتقا كوشۋ جۇيەسى 1977 -جىلى ەنگىزىلگەن. بۇل 1974 -جىلعى مۇناي داعدارىسىنان كەيىن ورىن العان جانە ونىڭ نەگىزگى ماقساتى - ەنەرگيانى ۇنەمدەۋ بولدى.

كوپتەگەن بەلگيالىق جازعى ۋاقىتتى ۇناتادى، ويتكەنى ۇزاق ۋاقىت بويى جارىق بولادى. الايدا ساعات اۋىستىرۋعا قارسىلىق بىلدىرەتىندەر ءاردايىم بولعان.

ولاردىڭ ايتۋىنشا، جازعى ۋاقىت ەنەرگيا تۇتىنۋدى ازايتپايدى. سونىمەن قاتار، جولاۋشىلار تاڭەرتەڭگى قاربالاس ۋاقىتتا قاراڭعىدا جۇمىسقا بارادى، ال كەشكە - قاتتى ىستىقتا ۇيلەرىنە قايتادى. سونداي-اق، قارسى تاراپ جازعى ۋاقىت ادامنىڭ بيولوگيالىق ىرعاعىن بۇزادى دەپ ەسەپتەيدى.

دەگەنمەن، بەلگيا مەن باسقا دا ە و ەلدەرىنىڭ ۇكىمەتتەرى جازعى ۋاقىتقا كوشۋدى توقتاتۋ ماسەلەسىن قاراستىرمايدى.

ساعاتتى اۋىستىرعاننان كەيىن بريۋسسەل مەن استانا اراسىنداعى ۋاقىت ايىرماشىلىعى ءۇش ساعاتقا قىسقاردى.

بۇعان دەيىن قازاقستان ۇكىمەتىنىڭ وكىلدەرى ساعاتتى اۋىستىرۋ ەلدىڭ ەنەرگەتيكا سالاسىنا ايتارلىقتاي اسەر ەتپەگەنىن مالىمدەگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى