ەۋروپا بانكى جاڭا ترامۆايلار ساتىپ الۋعا 5 ميلليارد تەڭگە بولەدى
پاۆلودار. KAZINFORM - ەۋروپا قايتا قۇرۋ جانە دامۋ بانكى پاۆلودار قالاسىنا ترامۆايلار ساتىپ الۋعا 5 ميلليارد تەڭگە قاراجات بولەتىن بولدى. جاڭا ۆاگوندار اۆتونومدى ءجۇرۋ مۇمكىندىگىنە يە.
پاۆلودار وبلىسىنىڭ اكىمدىگى مەن ەۋروپا قايتا قۇرۋ جانە دامۋ بانكى اراسىندا ترامۆاي جەلىسىن جاڭعىرتۋ جونىندەگى جوبانى قولداۋ تۋرالى كەلىسىم-شارتقا، سونداي-اق «پاۆلودار قالاسىنىڭ ترامۆاي باسقارماسى» ا ق مەن ە ق د ب اراسىندا نەسيەلىك كەلىسىمگە قول قويىلدى.
مەملەكەت باسشىسىنىڭ تاپسىرماسى بويىنشا 2022 -جىلدان باستاپ جەرگىلىكتى مەملەكەتتىك ورگاندار ترامۆاي جەلىسىن جاڭعىرتۋدى قارجىلاندىرۋ ماسەلەسىن پىسىقتادى. بارلىق شارتتى زەردەلەپ، ەقدب ارقىلى نەسيە الۋ تۋرالى شەشىم قابىلداندى.
بانك 25 جاڭا ترامۆاي ساتىپ الۋ ءۇشىن 5 ميلليارد تەڭگە قاراجات بولەدى. ۆاگونداردى جەتكىزۋشىلەرگە قويىلاتىن مىندەتتى شارت - ەكولوگيا، قاۋىپسىزدىك جانە ەنەرگيا ۇنەمدەۋدىڭ ۇزدىك سالالىق ستاندارتتارىنا سايكەس بولۋى، سونداي- اق ۆاگونداردىڭ 20 ك م- گە دەيىن اۆتونومدى ءجۇرۋ مۇمكىندىگىن قامتاماسىز ەتۋ.
بۇل جولاۋشى تاسىمالىنىڭ ساپاسىن ەداۋىر ارتتىرىپ، قوزعالىس ارالىعىن قىسقارتۋعا مۇمكىندىك بەرەدى.
ەسكە سالا كەتەيىك، تەمىرتاۋدا سىناق رەجيمىندە ترامۆاي ىسكە قوسىلدى.
