ەۋروپا پارلامەنتىنىڭ دەپۋتاتتارى قازاقستان حالقىنا كوڭىل ايتىپ جاتىر
قاراعاندى وبلىسىندا بولعان قايعىلى جاعدايعا بايلانىستى قازاقستان حالقىنا ەۋروپالىق پارلامەنت دەپاتۋتتارى دا كوڭىل ايتىپ جاتىر، دەپ حابارلايدى Kazinform اگەنتتىگىنىڭ ءتىلشىسى.
«قازاقستانداعى شاحتادا بولعان وقيعا قابىرعامىزدى قايىستىردى. مەرت بولعانداردىڭ جاقىندارىنا كوڭىل ايتامىن، زارداپ شەككەندەردىڭ جىلدام جازىلىپ كەتۋىنە تىلەكتەسپىن»، - دەپ جازدى ەۋرودەپۋتات، ورتالىق ازيا ەلدەرى مەن موڭعوليا بويىنشا بايلانىس دەلەگاتسياسىنىڭ مۇشەسى رىشارد چارنەتسكي.
«كوستەنكو شاحتاسىنان جانىڭدى جابىرقاتار جاڭالىقتار جەتىپ جاتىر. ەۋروپا قازاقستانعا كوڭىل ايتادى»، - دەپ جازدى ەۋرودەپۋتات، «ەۋروپانىڭ ليبەرالدار مەن دەموكراتتار اليانسىنىڭ» ۆيتسە-پرەزيدەنتى يلحان كۋچۋك.
29- قازان جالپىحالىقتىق ازا تۇتۋ كۇنى بولىپ جاريالانۋىنا بايلانىستى قازاقستاننىڭ بەلگياداعى ەلشىلىگى مەملەكەتتىك تۋدى ءتۇسىردى.
بۇگىن جانە دۇيسەنبى كۇنى بريۋسسەل تۇرعىندارى، شەتەلدىك ديپلوماتتار ءبىزدىڭ دياسپورالاردىڭ وكىلدەرى مەن ازاماتتار ق ر ديپلوماتيالىق ميسسياسىنا كوڭىل ايتىپ، كوڭىل ايتۋ كىتابىنا قول قويا الادى.
تۋرا وسىنداي مۇمكىندىك قازاقستاننىڭ ليۋكسەمبۋرگتەگى كونسۋلدىعىندا دا جاسالدى.
