ەۋروپا ا ق ش تاريفتەرىنە بولا ازىق-تۇلىك ستاندارتتارىن وزگەرتپەيدى

الايدا Euractiv مالىمەتتەرى بويىنشا، ەۋروكوميسسيا ترانساتلانتيكالىق ساۋدادا تاريفتەرگە قاتىسى جوق كەدەرگىلەردى جويۋعا قارسى ەمەس.

- ازىق-تۇلىك، دەنساۋلىق جانە قاۋىپسىزدىك ستاندارتتارى: بۇل قىزىل ايماق، - دەدى ەۋروكوميسسيا وكىلى ولوف گيلل جۋرناليستەرگە.

- بۇل كەلىسسوزدەردىڭ بولىگى ەمەس، تەحنولوگيا مەن سيفرلىق نارىقتارعا قاتىستى رەتتەۋ.

بۇل پىكىر ە و ساۋدا كوميسسارى ماروش شەفچوۆيچ كەشە ۆاشينگتوندا ا ق ش شەنەۋنىكتەرىمەن كەزدەسىپ، بريۋسسەلدىڭ ا ق ش- پەن ساۋداداعى «تاريفتىك ەمەس كەدەرگىلەردى» الىپ تاستاۋى مۇمكىن دەگەن ۇسىنىسىنان كەيىن ايتىلدى.

ولوف گيلل ەۋروپالىق كوميسسيانىڭ ا ق ش وكىلدەرىمەن «ءبىرقاتار ماسەلە» كوتەرگەنىن، ءبىراق قانداي ەرەجەلەردى قايتا قاراۋعا بولاتىنىن ناقتىلاۋدان باس تارتقانىن ايتتى.

ا ق ش شەنەۋنىكتەرى ە و- نىڭ جوعارى اۋىلشارۋاشىلىق ازىق-تۇلىك ستاندارتتارى مەن Apple، Google جانە Meta سياقتى امەريكالىق تەحنولوگيالىق كومپانيالارعا قاتىستى مونوپولياعا قارسى تەرگەۋىن بىرنەشە رەت ايىپتادى.

31-ناۋرىزدا جاريالانعان ا ق ش ساۋدا وكىلىنىڭ (USTR) 400 بەتتىك ەسەبىندە سىرتقى ساۋداعا كەدەرگى رەتىندە ە و- نىڭ ازىق-تۇلىك قاۋىپسىزدىگى جانە قورشاعان ورتانى قورعاۋ زاڭدارىنىڭ كەڭ اۋقىمى، سونىڭ ىشىندە گەنەتيكالىق تۇرلەندىرىلگەن ورگانيزمدەر، مالداعى انتيبيوتيكتەر جانە پەستيتسيدتەرگە شەكتەۋلەر تۋرالى زاڭدار كەلتىرىلگەن.

د. ترامپ ەۋروپانى حلورمەن وڭدەلگەن امەريكالىق تاۋىق ەتىنە ۇزاق ۋاقىت تىيىم سالعانى ءۇشىن دە سىنعا الدى.

ۆاشينگتون سونىمەن قاتار ە و- نىڭ امەريكالىق تاۋارلاردى كەمسىتەتىن ق ق س مولشەرلەمەسىن ايىپتادى. الايدا بۇل تالاپتى كوميسسيا جانە ە و- نىڭ كوپتەگەن تاۋەلسىز ساراپشىلارى قابىلدامادى.

وتكەن اپتادا ترامپ ا ق ش- تىڭ بارلىق ساۋدا سەرىكتەستەرىنە جاپپاي «ءوزارا تاريفتەردى» توقتاتتى، سونىڭ ىشىندە ە و- عا %20 الىم، بريۋسسەلدى ا ق ش تاۋارلارىنا قاتىستى ءوزىنىڭ جاۋاپ تاريفتەرىن 90 كۇنگە توقتاتا تۇرۋعا شاقىردى.

الايدا، ترامپتىڭ بولاتقا، اليۋمينييگە جانە اۆتوموبيلدەرگە %25 باج سالىعى، سونداي-اق ا ق ش يمپورتىنا %10 «بارلىعىن ۇستاۋ» باجدارى كۇشىندە قالادى.

بۇعان دەيىن د. ترامپ تاريفتەر كۇنىنە 2 ميلليارد دوللار تابىس اكەلەتىنىن ايتقان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى