ەۋرو وداق سامميتى بريۋسسەلدە ءوتىپ جاتىر، ەردوعان قاتىسپايدى
استانا. KAZINFORM - بۇگىن ەۋروپانىڭ استاناسىندا ەكى كۇندىك ەۋرو وداق سامميتى باستالدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
تالقىلاۋدىڭ نەگىزگى تاقىرىپتارى رەتىندە ە و ەكونوميكاسىنىڭ باسەكەگە قابىلەتتىلىگى، كەلەسى كوپجىلدىق بيۋدجەت، قورعانىس جانە ۋكرايناداعى قاقتىعىس قاراستىرىلادى دەپ جوسپارلانىپ وتىر.
وسى ۋاقىتتا تۇركيا پرەزيدەنتى رەجەپ تايىپ ەردوعان 20 -ناۋرىزدا بريۋسسەلدە وتەتىن ەۋروپالىق وداق سامميتىنە قاتىسپايدى، دەپ حابارلايدى Hurriyet گازەتى.
باسىلىمنىڭ مالىمەتىنشە، پرەزيدەنت مۇنداي شەشىمدى ەۋروپانىڭ ۇستانىمى «ايقىن ەمەس» دەگەن سەبەپپەن قابىلداعان.
بۇعان دەيىن 19 -ناۋرىزدا تۇركيا بيلىگى قازىرگى پرەزيدەنتتىڭ باستى ساياسي قارسىلاسى - ىستامبۇل مەرى ەكرەم يماموگلۋ ۇستالعانىن حابارلاعان ەدىك. ىستامبۇل، انكارا، يزمير جانە ريزە قالالارىندا جاپپاي شەرۋلەر مەن نارازىلىق اكسيالارى ءوتتى. الايدا تۇركيانىڭ ەڭ ءىرى مەگاپوليسىندە جينالىستار مەن ميتينگىلەرگە تىيىم سالىندى.
