ەرتەڭ ءسىز اياعىڭىزدى سىندىراسىز- قاعىتپالار

- ءيا، كورىپكەل كەڭەسبەك ءسىزدى تىڭداپ تۇر!

- مەنى بۇرسىگۇنى، ساعات 2 دە قابىلداڭىزشى. قابىلداۋىڭىزعا الدىن الا جازىلىپ قويايىن دەگەن ەدىم.

- ءسىزدى بۇرسىگۇنى قابىلداي المايمىن.

- نەگە؟

- ويتكەنى ەرتەڭ ءسىز اياعىڭىزدى سىندىراسىز.

- ؟؟؟

***

كالباسا سەحىنىڭ باستىعى جۇمىسقا ەندى الىنعان كۇزەت قىزمەتكەرىنە ءتۇسىندىرىپ جاتىر:

- سىرتتاعىلارعا ساق بول! ءبىزدىڭ كالباسانى ۇرلايتىندار - سىرتتاعىلار!

- سەحتىڭ جۇمىسشىلارى دا ۇرلايتىن شىعار؟

- ولار ۇرلامايدى! ولار كالباسانىڭ نەدەن، قالاي جاسالاتىنىن بىلەدى، سوندىقتان دا ۇرلامايدى!

***

ايەل:

- قىمباتتى دارىگەر، مەنىڭ بەتىمدە بىردە-ءبىر ءاجىم قالماسىن. ءاجىمنىڭ ءوزى دە، ءىزى دە قالماسىن.

دارىگەر:

- 5 مىڭ دوللار تولەيسىز.

- تىم قىمبات قوي...

- وندا 3 مىڭ دوللار تولەڭىز.

- وي، قىمبات. ارزانىراعى جوق پا؟

- بار.

- ول نە؟

- پارانجى.

***

فۋتبول دوبى شايباعا مۇڭىن شاعىپ جاتىر:

- مەنىڭ ءومىرىم وتە قيىن، تەپكىدەن كوز اشا المايمىن.

شايبا:

- سەن قاقپاعا ءجيى كىرۋگە تىرىس. سوندا ولار سەنى قولدان تۇسىرمەيتىن بولادى.

***

- سىبايلاس جەمقورلىقتى ەشۋاقىتتا جەڭۋگە دە، جويۋعا دا بولمايدى!

- قالاي؟..

- ويتكەنى سىبايلاس جەمقورلىقپەن كۇرەسۋدە - وتە تابىستى سالا. اقشانى كۇرەپ تاباسىڭ. ال ەندى مۇنداي سالانى كىم جويۋشى ەدى؟!

دەرەككوز: «جاس الاش» گازەتى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى