رەسەيلىك سۋرەتشىنىڭ تۋىندىلارىنداعى قازاق ويۋى

ول استاناعا كوشكەلى ءوز شىعارمالارىنىڭ ءستيلىن وزگەرتكەنىن ايتادى. ساندىك سۋرەتتەرىنىڭ كوبىنەن قازاقى ءستيلدى كورۋگە بولادى. يۆان ليەۆەنكو وسىدان ەكى جىل بۇرىن سانكت-پەتەربوردان استاناعا كوشىپ كەلگەن. سودان بەرى سۋرەتتەرىندەگى ناقىشتاردىڭ وزگەرگەنىن ايتادى. سۋرەتشىنىڭ جالپى تۇركى مادەنيەتىنە دەگەن قىزىعۋشىلىعى ونەر تۋىندىلارىندا انىق بايقالادى.

يۆان ليەۆەنكو، سۋرەتشى:

- مەنىڭ شىعارمالارىمدا شىعىسقا ءتان تۇستەر مەن ورنەكتەر بۇرىننان بار دەسەم دە بولادى. قازىر ۇزەڭگىلەستەرىمنىڭ ءبارى سۋرەتتەرىمە قاراپ، شىعىستىق ورنەكتەر كوبەيىپ بارا جاتقانىن ايتادى. الايدا مەن ەتنوگرافيالىق تۇپنۇسقالاردى قولدانبايمىن. ءتۇرلى مادەنيەتتەردى ارالاستىرىپ بەينەلەگەندى جاقسى كورەمىن. «بۇل «كوكتەم» دەپ اتالاتىن توپتاما. ءار سۋرەتىنىڭ «ناۋرىز»، «كوكتەم»، «دوستىق» سىندى قازاقشا اتاۋى بار. اشىق تۇستەر - تۇرلەنۋ مەن جاڭارۋدى كورسەتەدى»، - دەيدى سۋرەتشى. ءبىر تۋىنعا ءبىر ايدان استام ۋاقىتىن سارپ ەتەدى.

تابيعات قۇجانبايەۆ، قازاقستان سۋرەتشىلەر وداعىنىڭ مۇشەسى:

- يۆان دەگەن سول مىنا ءبىزدىڭ ەلدى زەرتتەپ ءبىزدىڭ مادەنيەتىمىزدى، قازاق مادەنيەتىمىدى زەرتتەپ ول ءۇڭىلىپ سوعان سونى ىستەپ جاتقانىڭ كورىپ تۇرمىن. مىناۋ ويۋلارى، قازاقتىڭ ويۋلارىن اقىرىن، اقىرىن ىشىنە ورنەكتەردى كىرگىزىپ جاتىر. ءبىراق ول ەندى ول زەرتتەۋ كەرەك ول ويۋلاردى. ول مەنەن سۇراپ تۇرادى مىناۋ قالاي، مىنا ويۋ قانداي ماعىنا بەرەدى، بولاما بولماي ما، دەگەن سياقتى.

سونداي-اق، سۋرەتشى قازاق مادەنيەتىن تەرەڭ تانۋ ءۇشىن كوپتەگەن ادەبيەتتەردى اقتارعان. قازىر قوي سۇيەگىنىڭ ەرەكشەلىكتەرىن زەرتتەۋگە كىرىستى. ولاردى ءوز جۇمىسىمدا قولدانامىن دەيدى. ءارى قازاقستاندا جەكە سۋرەت كورمەسىن وتكىزگىسى كەلەتىنىن جاسىرمادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى