رەسەيدەن قازاقستانعا گاز تارتۋ كەلىسسوزى باستالدى
استانا. KAZINFORM - ەنەرگەتيكا ءمينيسترى الماسادام ساتقاليەۆ ۇكىمەت وتىرىسىندا ەلدىڭ ورتالىق، سولتۇستىك جانە شىعىس وڭىرلەرىن گازداندىرۋ باعىتىنداعى جوسپارىن ايتتى.
«رەسەي فەدەراتسياسىنان گازداندىرۋ بويىنشا ايتساق، قازىرگى تاڭدا «QazaqGaz» جانە «گازپروم» كومپانيالارى رەسەي فەدەراتسياسىنا تيەسىلى گاز قۇبىرىنىڭ مۇمكىندىگىن پىسىقتاپ جاتىر. بۇگىنگى تاڭدا، سولتۇستىك-شىعىس وڭىرلەردى گازداندىرۋدىڭ كەلەشەگى مەن قۇبىر سالۋ شارتتارىن تالقىلاۋ باعىتىندا كەلىسسوزدەر باستالدى»، - دە ول.
مينيستر، سونداي-اق، ورتالىق وڭىرلەردى گازداندىرۋ ەكى ۇلكەن ماگيسترال ارقىلى جالعاساتىنىن ايتتى.
«ورتالىق وڭىرلەردىڭ ءوسىپ كەلە جاتقان قاجەتتىلىگىن ەسكەرە وتىرىپ، «سارىارقا» گاز قۇبىرىنىڭ الدىن الا قۇنى 100 ميلليارد تەڭگە بولاتىن ءتورتىنشى كەزەڭىن جانە قۇنى 2,7 تريلليون تەڭگە بولاتىن بەينەۋ-بوزوي-شىمكەنت ماگيسترالدىق گاز قۇبىرىنىڭ ەكىنشى تارماعىن سالۋ جونىندەگى تەحنيكالىق-ەكونوميكالىق نەگىزدەمە ازىرلەنىپ جاتىر»، - دەدى ەنەرگەتيكا ءمينيسترى.
