رەسەيدە وزبەكستاندىقتار توپ بولىپ توبەلەستى
مالىمەتتەرگە سايكەس، ولار اسحانادا تاماق كۇتىپ تۇرعان كەزدە جانجالداسىپ قالعان، دەپ حابارلايدى قازاقپارات Bugun.uz سايتىنا سىلتەمە جاساپ.
ماسكەۋدىڭ سۆيبلوۆو اۋدانىنداعى قۇرىلىس الاڭىندا 30 دان استام وزبەكستان ازاماتى توبەلەسىپ قالدى.
ميگرانتتار ءتىپتى ارماتۋرا قولدانعان. سالدارىنان ەكى ادام اۋىر جاراقات الىپ، دارىگەرگە جۇگىنگەن.
بەلگىلى بولعانداي، توبەلەسكە جەرگىلىكتى مەيرامحاناداعى كەزەك سەبەپ بولعان.
بارلىعى اش بولعاندىقتان ەشكىم ءبىر-بىرىنە كەزەك بەرگىسى كەلمەگەن.
توبەلەستى پوليتسيا توقتاتتى. ولار 35 وزبەك، ءبىر تۇرىك جانە ءبىر ورىستى تۇتقىنداعان.
توبەلەسكە قاتىسقان تاعى بىرنەشە ادام ىزدەستىرىلىپ جاتىر.
اۆتور
جاراسقان نۇرىبايەۆ
