رەسەيدە كوروناۆيرۋس جۇقتىرۋ كورسەتكىشى ەكى ەسە ارتتى

روسپوترەبنادزور باسشىسى اننا پوپوۆا فەدەراتسيا كەڭەسىنىڭ ۇكىمەت ساعاتى اياسىندا سويلەگەن سوزىندە سوڭعى اپتادا ەلدە كوروناۆيرۋس جۇقتىرۋ كورسەتكىشىنىڭ ارتقانىن حابارلادى.

«بۇگىندە ءبىز قىركۇيەكتە بولعان ءبىرىنشى تولقىننان جوعارى ەكىنشى تولقىندامىز - ول كوتەرىلىپ جاتىر. تىركەلگەن ناۋقاستار سانى سوڭعى اپتادا 35-36 مىڭ ادامدى قۇراپ وتىر، بۇل وتكەن ايمەن سالىستىرعاندا ەكى ەسە كوپ. اۋرۋعا شالدىققانداردىڭ جالپى سانى نەمەسە ۇلەسى %30 دان اسىپ تۇر، بۇل ءۇش سۋبەكتى — ماسكەۋ، ماسكەۋ وبلىسى جانە سانكت- پەتەربۋرگ. اۋرۋدىڭ جاڭا تولقىنى باستالىپ جاتقانىن جانە بۇكىل ەلگە تارايتىنىن كورسەتىپ وتىر. مۇندا، نەگىزىنەن، بۇگىندە رەسەي فەدەراتسياسىندا باسىم بولىپ وتىرعان „وميكروننىڭ“ بارلىق نۇسقالارى، „اركتۋر“ بار. قالىپتاسقان جاعداي قازىردىڭ وزىندە ىندەتتىڭ باسى دەپ ايتۋعا بولادى»، — دەدى ا. پوپوۆا.

ونىڭ ايتۋىنشا، ەپيدەميالىق ماۋسىم الدىندا ر ف بارلىق سۋبەكتىلەرىندە تۇماۋ جانە كوۆيدكە قارسى الدىن الۋ شارالارى ورىندالعان. اتاپ وتكەندە، ەمحانا، جەدەل جاردەم، ەمدەۋ جانە ستاتسيونارلىق بازا ازىرلەندى. بۇدان بولەك، بالاباقشا، مەكتەپ جانە جوعارعى وقۋ ورىندارىندا ەپيدەمياعا قارسى فيلترلەر تاجىريبەسى ەنگىزىلىپ، كەلۋشىلەردىڭ دەنساۋلىق جاعدايى تۇراقتى تۇردە تەكسەرىلىپ جاتىر.

روسپوترەبنادزور باسپا ءسوز قىزمەتىنىڭ حابارلاماسى بويىنشا، 2023 -جىلعى 44- اپتانىڭ (2023 -جىلعى 30-قازان-5-قاراشا) قورىتىندىسىنا سايكەس COVID-19 ۆيرۋسىن جۇقتىرۋدىڭ 35 مىڭ جاعدايى تىركەلگەن. بۇل وتكەن اپتا كورسەتكىشىنەن 31 پايىزعا كوپ، ءبىراق بىلتىرعى كەزەڭمەن سالىستىرعاندا 9 پايىزعا از. 73 سۋبەكتىدە اۋرۋعا شالدىعۋ ءوسىمى تىركەلگەن.

وتكەن اپتادا 5042 ادام اۋرۋحاناعا جاتقىزىلدى، بۇل الداعى اپتامەن سالىستىرعاندا 33,4 پايىزعا كوپ. 22993 ادام ساۋىعىپ شىقتى (وتكەن اپتامەن سالىستىرعاندا 10,8 پايىزعا كوپ) . 63 ادام قايتىس بولدى.

ا. پوپوۆانىڭ «روسسيا-1» تەلەارناسىنىڭ ەفيرىندە حابارلاعانىنداي، بۇگىندە كوروناۆيرۋستىڭ ءبىر نۇسقاسى «پيروللانى» جۇقتىرۋدىڭ 10 وقيعاسى تىركەلگەن - ءۇش وقيعا سانكت- پەتەربۋرگتە، تاعى ۇشەۋى - ماسكەۋدە. بۇل رەتتە دارىگەرلەر اتالعان نۇسقانىڭ اعىمىن بايقاماعان، دەگەنمەن اۋرۋدىڭ العاشقى كۇندەرى دەنە تەمپەراتۋراسىنىڭ كوتەرىلۋى مەن باستىڭ قاتتى اۋرۋى بەلگىلەرى جۇرەدى.

ەسكە سالا كەتسەك، الەمدە COVID- ءتىڭ جاڭا ۆيرۋستارىن جۇقتىرعاندار سانى كوبەيگەن.

ق ر دەنساۋلىق ساقتاۋ مينيسترلىگىنىڭ مالىمەتىنشە، ەلدە «omicron» - نىڭ جاڭا شتامدارى انىقتالدى: تامىز ايىنىڭ ورتاسىندا «Pirola» نۇسقاسىن جۇقتىرۋ، ال قازاننىڭ باسىندا — «eris» نۇسقاسىن جۇقتىرۋدىڭ العاشقى جاعدايى تىركەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى