رەسەيدە «كروكۋس» كونسەرت زالىندا جاسالعان لاڭكەستىك ارەكەتكە قاتىسۋشىلارعا ايىپ تاعىلدى

بۇل تۋرالى رەسەيلىك ت ا س س اگەنتتىگى كۇدىكتىلەردى تۇقىنداۋ تۋرالى ۇسىنىم تۇسكەن باسمان سوتىنىڭ باسپاءسوز قىزمەتىنە سىلتەمە جاساپ حابارلادى.

«راچاباليزودا سايداكرامي مۋرودالي مەن ميرزويەۆ دالەردجون باروتوۆيچكە 3 باپ، «ب» بولىگى مەن 205 تارماقشاسى بويىنشا (ادامدارمەن توپتاسىپ، كىسى ولىمىنە الىپ كەلگەن تەراكت جاساۋ) ايىپ تاعىلدى»، - دەلىنگەن سوتتىڭ باسپا ءسوز قىزمەتى تاراتقان اقپاراتتا.

ايىپتالۋشى ەكى ادامدى دا سوتقا فەدەرالدى قاۋىپسىزدىك قىزمەتىنىڭ ارنايى ماقساتتاعى بولىمشە قىزمەتكەرلەرى الىپ كەلدى. سوت وتىرىسى تەرگەۋ قۇپيالىلىعىن ساقتاۋ مەن سوت پروتسەسىنىڭ قاۋىپسىزدىگىن قامتاماسىز ەتۋ ءۇشىن جابىق رەجيمدە وتەدى.

كەشىرەك تەرگەۋ كوميتەتى «كروكۋس سيتي حولل» زالىنداعى تەراكتىگە قاتىستى دەگەن ايىپتى تاعى ەكى ادامعا تاقتى. ولاردىڭ ەكەۋى دە ءتيىستى شەشىم قابىلداۋ ءۇشىن باسمان سوتىنا جەتكىزىلدى.

«سوتقا فايزوۆ مۋحاممادسوبير مەن فاريدۋني شامسيدين جەتكىزىلدى. ولارعا ر ف ق ك- ءنىڭ 3-بابى «ب» بولىگى 205 تارماقشاسى بويىنشا (ادامدارمەن توپتاسىپ، كىسى ولىمىنە الىپ كەلگەن تەراكت جاساۋ) ايىپ تاعىلدى»، - دەپ حابارلاعان تاسس اگەنتتىگىنە سوتتىڭ باسپا ءسوز قىزمەتى.

ەسكە سالا كەتسەك، 22-ناۋرىز كۇنى ماسكەۋدىڭ سولتۇستىك- باتىسىنداعى «Crocus City Hall» كونتسەرت زالىندا كامۋفلياج كيگەن ادامدار عيمارات ىشىندە جۇرگەن ادامدارعا وق جاۋدىرعان. 150 دەن استام ادام جاراقات الىپ، 100 دەن استام ادام مەرت بولدى. ولاردىڭ ىشىندە بالالار دا بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى