رەسەيدە اۆتوكولىك ساتىپ الۋعا وتباسىلىق سەرتيفيكات بەرىلۋى مۇمكىن
رەسەيدىڭ ليبەرال- دەموكراتيالىق پارتياسىنىڭ ءبىر توپ دەپۋتاتى ەڭبەك، الەۋمەتتىك ساياسات جانە ارداگەرلەر ءىسى بويىنشا دۋمالىق كوميتەت ءتوراعاسى ياروسلاۆ نيلوۆتىڭ باسشىلىعىمەن بالاسى بار جاس وتباسىعا رەسەي شىعاراتىن اۆتوكولىكتى ساتىپ الۋعا سەرتيفيكات تاعايىنداۋ ءتارتىبىن رەتتەيتىن زاڭ جوباسىن پالاتانىڭ قاراۋىنا تاپسىردى.
دەپۋتاتتار «اۆتوكولىك ساتىپ الۋعا ارنالعان وتباسىلىق سەرتيفيكات» زاڭ جوباسىن جاساپ شىقتى. وندا جاس وتباسىعا بالا دۇنيەگە كەلگەننەن كەيىن بەلگىلى ءبىر سوماعا وتاندىق وندىرىستەگى اۆتوكولىك ساتىپ الۋعا مۇمكىندىك بەرەتىن سەرتيفيكات تاعايىنداۋ ەرەجەلەرىن بەكىتۋ ۇسىنىلعان. مۇنداي سەرتيفيكاتتى وتباسىنىڭ ورتاق تابىسى الدىڭعى جىلى 3 ميلليون رۋبلدەن اسپاعان ادامدار الۋعا بولاتىنى ايتىلعان.
سونداي- اق زاڭ جوباسىندا وتباسىلىق سەرتيفيكاتتىڭ نومينالدىق قۇنى 1 ميلليون رۋبل كولەمىندە بولاتىنى جازىلعان.
اۆتورلاردىڭ پىكىرىنشە، زاڭ جوباسىن قابىلداۋ ەلدىڭ دەموگرافيالىق جاعدايى مەن تۋۋ كورسەتكىشىن ارتتىرىپ، وتاندىق اۆتوكولىك جاساۋ سالاسىن دامىتادى.
اۆتور
بالنۇر قوجاگەلدى
