رەسەيدە پاراقورلاردىڭ سانى رەكوردتىق كورسەتكىشكە جەتتى

وسى تاسىلمەن ەل تاريحىنداعى ەڭ ءىرى جەمقورلىق ءىسى اشكەرەلەنگەن ەكەن.

رەسەيدە جارتى جىلدا جەمقورلىق ءىسى بويىنشا 10 مىڭ ادام ۇستالدى

رەسەيدە بىلتىر جارتى جىلدا جەمقورلىق ءىسى بويىنشا 10 مىڭنان اسا ادام كۇدىككە ىلىنگەن. كەيىنگى 13 جىلداعى ەڭ جوعارى كورسەتكىش. ساراپشىلار: «بۇل مەملەكەتتىك بيۋدجەتتەن بولىنەتىن قارجىعا باقىلاۋدى كۇشەيتۋدىڭ ناتيجەسى»، - دەيدى. سونداي-اق قۇقىق قورعاۋشىلاردىڭ تەحنيكالىق مۇمكىندىكتەرىنىڭ كەڭەيۋى دە سەپتىگىن تيگىزگەن. ولار پاراقور ادامدى قولعا ءتۇسىرۋ ءۇشىن بەلگى سالىنعان اقشانى ءجيى قولدانادى. بانكنوتالارعا بوياۋ، ۇنتاق نە سپرەي سەبەدى. كەيىن ول ۋلتراكۇلگىن ساۋلەنىڭ استىندا كورىنىپ تۇرادى. جەمقورلىقپەن كۇرەستى كۇشەيتۋ ءۇشىن كورشى ەلدە بيىل 1-شىلدەدەن باستاپ سيفرلىق رۋبل ەنگىزىلدى.

برازيليادا ءىرى جەمقورلىق قىلمىسى اشكەرەلەندى

جەمقورلىقپەن كۇرەستە بەلگى سالىنعان اقشانى قولدانۋ تاجىريبەسى برازيليادا كەڭىنەن تاراعان. اسىرەسە مەملەكەتتىك كومپانيالار مەن شەنەۋنىكتەرگە قاتىستى تەكسەرۋ كەزىندە كوپ پايداسى تيگەن. اتىشۋلى «كولىك جۋۋ» وپەراتسياسى سوعان مىسال. 2014 -جىلى باستالعان تەرگەۋ بارىسىندا ەلدەگى ءبىرقاتار اۋقاتتى ادام جەمقورلىققا قاتىستى قاماۋعا الىندى. اراسىندا برازيليانىڭ قازىرگى پرەزيدەنتى لۋلا دا سيلۆا دا بار. قۇقىق قورعاۋشىلار ەل تاريحىنداعى ەڭ ءىرى جەمقورلىق ءىسىن اشكەرەلەۋگە وسى تاڭبالانعان اقشانىڭ كومەگى تيگەنىن ايتادى.

قىتايدا جىل سايىن جەمقورلىقتان $86 ميلليارد شىعىن كەلەدى

قىتايدىڭ جەمقورلىقپەن كۇرەستە قاتاڭ شارالار قولداناتىنى كوبىنە ءمالىم. ويتكەنى مۇنداي قىلمىس سالدارىنان ەل ەكونوميكاسىنا جىل سايىن 86 ميلليارد دوللار شىعىن كەلەدى. پاراقورلاردى اشكەرەلەۋ ءۇشىن شىعىسىمىزداعى كورشى ەلدە ءتۇرلى شارالار قولدانىلادى. سولاردىڭ ءبىرى - بەلگى سالىنعان اقشا. قىتايدا جەمقورلىققا بارعان ادامدارعا اۋىر جازا تاعايىندالادى. مىسالى، بىلتىر ەڭ ءىرى مەملەكەتتىك بانكتىڭ پارتيا حاتشىسىنىڭ 17 ميلليون دوللار پارا العانى دالەلدەنىپ، قارجىگەر ءولىم جازاسىنا كەسىلگەن ەدى.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى