رەسەي: تەراكت بولعان كۇنى كروكۋستان 5 مىڭنان استام ادام ەۆاكۋاتسيالانعان

كونسەرت زالىنىڭ قىزمەتكەرى ت ا س س-قا بەرگەن سۇحباتىندا: «عيماراتتان 5 مىڭ ادام ەۆاكۋاتسيالاندى»، - دەگەن. ونىڭ ايتۋىنشا، ءورت سوندىرۋشىلەر ءورتتى ءسوندىرۋ كەزىندە جەرتولەدەن جانە شاتىردان تاعى 100 ادامدى قۇتقارعان.

22-ناۋرىز كۇنى كەشكە كراسنوگورسك قالاسىنداعى Crocus City Hall عيماراتىندا تەراكت جاسالدى.

رەسەي تەرگەۋ كوميتەتىنىڭ مالىمەتىنشە، 137 ادام قازا تاپقان، قۇرباندار سانى ارتۋى مۇمكىن.

ماسكەۋ وبلىسىنىڭ دەنساۋلىق ساقتاۋ مينيسترلىگىنىڭ مالىمەتىنشە، 182 ادام جاراقات العان.

تەراكتىگە قاتىسى بار 11 ادام ۇستالدى، ونىڭ ىشىندە ۋكراينا شەكاراسىنا قاراي قاشپاق بولعان ءتورت تىكەلەي كىنالى دە بار. رەسەي پرەزيدەنتى ۆلاديمير پۋتين تەلەديدار ارقىلى سويلەگەن سوزىندە، الدىن الا مالىمەتتەر بويىنشا، تەراكت جاساعانداردىڭ شەكارادان ءوتۋى ءۇشىن ۋكراينا جاعىندا «تەرەزە» دايىندالىپ جاتقانىن ايتتى. ول Crocus City Hall-عا شابۋىل جاساعانداردىڭ بارلىعىن انىقتاپ، جازالاۋعا ۋادە بەردى.

ەل پرەزيدەنتى 24-ناۋرىزدى جالپى ۇلتتىق ازا تۇتۋ كۇنى دەپ جاريالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى