رەسەي پرەزيدەنتى قاسىم- جومارت توقايەۆپەن دوستىعى تۋرالى ايتتى

«قاسىم- جومارت كەمەل ۇلىمەن بىردەن شىنايى دوستىق قالىپتاستى. بۇعان دەيىن دە جاقىن قارىم- قاتىناسىمىز تۋرالى بىرنەشە رەت ايتىلدى. بۇل تاڭعالارلىق جاعداي ەمەس. ءبىز ءبىر ۇرپاقتىڭ ادامدارىمىز جانە ءوز مەملەكەتتەرىمىز ءۇشىن بارلىق جاۋاپكەرشىلىكتى بىردەي سەزىنەمىز. ءبىز ەلدەرىمىزدىڭ سەنىمدى دامۋى مەن وركەندەۋى ءۇشىن، ازاماتتارىمىزدىڭ ءومىر ءسۇرۋ ساپاسىن ارتتىرۋ ءۇشىن، قولايلى ورتانى قامتاماسىز ەتۋ ءۇشىن قولدان كەلگەننىڭ ءبارىن جاسايمىز»، - دەدى ۆلاديمير پۋتين «كازپراۆدا» گازەتىنە بەرگەن سۇحباتىندا.

ودان بولەك، رەسەي باسشىسى مەملەكەت باسشىسىمەن تەلەفون ارقىلى ءجيى سويلەسەتىنىن ايتتى.

«ەڭ باستىسى - ەكى حالىق ءارقاشان ءبىر- بىرىمەن تاتۋ كورشى، ادال دوس بولعان جانە سولاي بولىپ قالا بەرەدى. سەنىمنىڭ، ءوزارا تۇسىنىستىكتىڭ جانە كوپ قىرلى تابىستى ىنتىماقتاستىقتىڭ باعا جەتپەس داستۇرلەرىن نىعايتا وتىرىپ، ءبىز باسقالارعا ۇلگى بولاتىن مەملەكەتارالىق قارىم- قاتىناستىڭ وزىق مودەلىن تابىستى ىسكە اسىراتىنىمىزعا سەنىمدىمىن. سوندىقتان الەمدە قانداي جاعداي بولماسىن، وداقتاستىق قاتىناستارىمىز بەن ينتەگراتسيالىق ارىپتەستىگىمىزدىڭ بولاشاعىنا سەنىممەن قارايمىن»، - دەدى رەسەي پرەزيدەنتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى