قاسىم-جومارت توقايەۆ رەسەي پرەزيدەنتى ۆلاديمير پۋتيندى ەلوردا اۋەجايىنان قارسى الدى
مەملەكەت باسشىسى قاسىم-جومارت توقايەۆ قازاقستانعا رەسمي ساپارمەن كەلگەن رەسەي پرەزيدەنتى ۆلاديمير پۋتيندى ەلوردا اۋەجايىندا قارسى الدى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
بۇعان دەيىن مەملەكەت باسشىسى قاسىم- جومارت توقايەۆتىڭ شاقىرۋىمەن 9-قاراشا كۇنى رەسەي فەدەراتسياسىنىڭ پرەزيدەنتى ۆلاديمير پۋتين استاناعا رەسمي ساپارمەن كەلەتىنىن جازعان بولاتىنبىز.
ساپار بارىسىندا ەكى ەل باسشىلارى كەلىسسوز جۇرگىزىپ، قازاقستان مەن رەسەي اراسىنداعى ستراتەگيالىق سەرىكتەستىكتىڭ وزەكتى ماسەلەلەرىن تالقىلايدى دەپ جوسپارلانىپ وتىر.
بۇدان بولەك، پرەزيدەنتتەر قوستانايدا وتەتىن قازاقستان مەن رەسەيدىڭ XIX ءوڭىرارالىق ىنتىماقتاستىق فورۋمىنا بەينەبايلانىس رەجيمىندە قاتىسادى.
