رەسەي مەن بەلارۋس اراسىنداعى قاۋىپسىزدىك كەپىلدىكتەرى تۋرالى شارت كۇشىنە ەندى
استانا. KAZINFORM - كەلىسىمگە قول قويۋ ءراسىمى 13- ناۋرىزدا پرەزيدەنت الەكساندر لۋكاشەنكونىڭ ماسكەۋگە ساپارى كەزىندە ءوتتى.
قۇجات ەكى ەلدىڭ، سونداي-اق جالپى وداقتىڭ قاۋىپسىزدىگىنە شابۋىل جاسالعان جاعدايدا قاجەتتى شارالاردى جۇزەگە اسىرۋدىڭ ءوزارا كەپىلدىكتەرىن بەلگىلەيدى.
مىندەتتەمەلەردى ورىنداۋ قاۋىپسىزدىككە قول سۇعۋدىڭ الدىن الۋ ءۇشىن تاراپتاردىڭ باسقا مەملەكەتتەرمەن جانە حالىقارالىق قۇقىقتىڭ باسقا سۋبەكتىلەرىمەن قارىم-قاتىناسىنىڭ الەۋەتىن پايدالانۋىن، جاسالعان باسقىنشىلىق ارەكەتتەرگە عانا ەمەس، سونىمەن بىرگە ولاردى جاساۋ قاۋپىنە دە جاۋاپ قايتارۋ شارالارىن قابىلداۋدى، سونداي-اق قاجەتتى اسكەري، اسكەري- تەحنيكالىق جانە وزگە دە كومەكتى دەرەۋ كورسەتۋدى شامالايدى.
- تاراپتار وداقتىق مەملەكەتتىڭ ورتاق قورعانىس كەڭىستىگى اياسىندا بەلارۋس پەن رەسەيدىڭ قاۋىپسىزدىگىن نىعايتۋ ماقساتىندا زاماناۋي سىن- قاتەرلەرگە ءتيىمدى ارەكەت ەتۋ ءۇشىن بىرلەسكەن كۇش- جىگەردى ارتتىرۋدى جالعاستىرادى، - دەلىنگەن بەلتا اگەنتتىگى كەلتىرگەن مالىمدەمەدە.
اگەنتتىك اتاپ وتكەندەي، كەلىسىمدە كوزدەلگەن ىنتىماقتاستىق تەرەڭ سيپاتقا يە، ول قازىرگى اسكەري-ساياسي سىن- قاتەرلەرگە سايكەس كەلەدى.
بۇعان دەيىن حابارلانعانداي، بەيجىڭدە جۇما كۇنى قىتاي، يران جانە رەسەي سىرتقى ىستەر مينيسترلىكتەرى وكىلدەرىنىڭ كەزدەسۋى باستالدى.
