رەسەي مەن ا ق ش دەلەگاتسيالارىنىڭ ساۋد ارابياسىنداعى كەزدەسۋى قاشان وتەتىنى بەلگىلى بولدى
استانا. KAZINFORM - امەريكالىق جانە رەسەيلىك ب ا ق- تىڭ حابارلاۋىنشا، رەسەي مەن ا ق ش دەلەگاتسيالارىنىڭ ساۋد ارابياسىندا كەزدەسۋى سەيسەنبى كۇنى وتەدى، دەپ حابارلايدى BBC.
بۇل تۋرالى، اتاپ ايتقاندا، Axios پورتالى (ەكى دەرەككوزگە سىلتەمە جاساي وتىرىپ) جانە «كوممەرسانت» گازەتى جازدى.
كەزدەسۋگە امەريكالىق تاراپتان مەملەكەتتىك حاتشى ماركو رۋبيو، ا ق ش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى مايكل ۋولتس جانە تاياۋ شىعىس بويىنشا ارنايى ەلشى ستيۆ ۋيتكوفف قاتىسادى دەپ جوسپارلانىپ وتىر.
ۋيتكوفف بۇعان دەيىن Fox News كە ۋولتتس ەكەۋى جەكسەنبى كۇنى كەشكە ساۋد ارابياسىنا باراتىنىن حابارلاعان. رۋبيو ول جەرگە دۇيسەنبى كۇنى يزرايلدەن كەلەدى.
رەسەي دەلەگاتسياسىن كىم باسقاراتىنى رەسمي تۇردە حابارلانعان جوق، ءبىراق ب ا ق دەرەككوزدەرى بۇل رەسەي سىرتقى ىستەر ءمينيسترى سەرگەي لاۆروۆ بولۋى مۇمكىن دەپ جازدى.
وعان سونداي-اق رەسەي پرەزيدەنتىنىڭ كومەكشىسى يۋري ۋشاكوۆ پەن سىرتقى بارلاۋ قىزمەتىنىڭ ديرەكتورى سەرگەي نارىشكين دە قاتىسۋى مۇمكىن.
بۇعان دەيىن ا ق ش دەلەگاتسياسى رەسەيمەن كەلىسسوز جۇرگىزۋ ءۇشىن ساۋد ارابياسىنا اتتانعانىن جازعان بولاتىنبىز.
