رەسەي كوكشەتاۋ، سەمەي جانە وسكەمەن جىلۋ ەلەكتر ورتالىقتارىن سالادى
بۇگىن اقوردادا قازاقستان مەن رەسەي ەنەرگەتيكا مينيسترلىكتەرى اراسىندا كوكشەتاۋ، سەمەي جانە وسكەمەن جىلۋ ەلەكتر ورتالىقتارىن سالۋ جوبالارى بويىنشا ىنتىماقتاستىق جونىندەگى ءوزارا تۇسىنىستىك مەموراندۋمىنا قول قويىلدى، دەپ حابارلايدى Kazinform.
پرەمەر- ءمينيستردىڭ ءبىرىنشى ورىنباسارى رومان سكلياردىڭ ب ا ق وكىلدەرىنە ايتۋىنشا، اتالعان جىلۋ ەلەكتر ورتالىقتارىن رەسەي تاراپى تولىعىمەن سالىپ بەرەتىن بولادى.
«كوكشەتاۋ قالاسى جىلۋ ەلەكتر ورتالىعى جوباسىنىڭ تەحنيكالىق- ەكونوميكالىق نەگىزدەمەسى دايىن. وسى مەموراندۋمعا قول قويىلعاننان كەيىن ءتيىستى قۇرىلىمدار ونى جۇزەگە اسىرۋعا كىرىسەدى. جوبالىق- سمەتالىق قۇجاتتاماسى، كەلىسىمشارتتار جانە باسقالارى قاجەت. ءبىراق، ول تاياۋ ۋاقىتتا بولادى. مەنىڭشە، كەلەسى جىلى كوكشەتاۋ ج ە و- سى سالىنا باستايدى»، - دەدى رومان سكليار.
ونىڭ اتاپ وتۋىنشە، سەمەي مەن وسكەمەن جىلۋ ەلەكتر ورتالىقتارىنىڭ تەحنيكالىق- ەكونوميكالىق نەگىزدەمەسى ءالى ازىرلەنبەگەن. ءۇش ورتالىق تا كومىرمەن جۇمىس ىستەيتىن بولادى.
اۆتور
مارلان جيەمباي
