رەسەي: «كروكۋس سيتي حولدا» لاڭكەستىك جاساعانداردىڭ ءۇش سىبايلاسى ۇستالدى
استانا. KAZINFORM - رەسەيدىڭ فەدەرالدىق قاۋىپسىزدىك قىزمەتكەرلەرى ماسكەۋ، ەكاتەرينبۋرگ جانە ومبى قالالارىنان «كروكۋس سيتي حولداعى» لاڭكەستىك ارەكەتكە قاتىسى بار ءۇش ادامدى ۇستادى.
بۇل تۋرالى ر ف ف ق ق- نىڭ قوعاممەن بايلانىس ورتالىعى حابارلادى، دەپ جازادى ت ا س س اقپارات اگەنتتىگى.
«2024-جىلدىڭ 22-ناۋرىزىندا ماسكەۋ، ەكاتەرينبۋرگ، ومبى قالالارىندا «كروكۋس سيتي حول» كەشەنىندە جاسالعان لاڭكەستىك ارەكەتكە قاتىسى بار رەسەي ازاماتى مەن ەكى شەتەلدىك ازامات ۇستالدى. ولاردىڭ بارلىعى ورتالىق ازيا ايماعىنان شىققان يمميگرانتتار»، - دەپ حابارلادى ف ق ق.
جەدەل ىزدەستىرۋ ءىس-شارالارى بارىسىندا ۇستالعانداردىڭ ەكەۋى لاڭكەستىك ارەكەتتە پايدالانىلعان قارۋ-جاراق پەن كولىكتەردى ساتىپ الۋ ءۇشىن اقشا اۋدارعانى، ءۇشىنشىسىنىڭ لاڭكەستىك ارەكەتكە سىبايلاستاردى تارتۋعا جانە ونى ىسكە اسىرۋشىلاردى قارجىلاندىرۋعا تىكەلەي قاتىسى بار ەكەنى انىقتالدى.
