رەسەي كاسپي تەڭىزىندە ءبىرىنشى كرۋيزدىك باعىتتى اشادى

رەسەي ەكونوميكالىق دامۋ ءمينيسترىنىڭ ورىنباسارى دميتري ۆولۆاچتىڭ ايتۋىنشا، قازىرگى ۋاقىتتا استراحانداعى «لوتوس» كەمە جاسايتىن زاۋىت اۋماعىندا «پەتر ۆەليكي» كرۋيزدىك كەمەسىنىڭ قۇرىلىسى ءجۇرىپ جاتىر، ول ارقىلى رەسەيلىك جانە شەتەلدىك تۋريستەر كاسپي تەڭىزىندە كرۋيزگە شىعا الادى.

ول سونداي-اق بيىلعى جىلى رەسەي مەن قازاقستان اراسىنداعى تۋريستىك اعىندى دامىتۋ بولاشاعىنا توقتالدى.

«2023-2024 -جىلدارى الماتى قالاسى ش ى ۇ- نىڭ تۋريستىك جانە مادەني استاناسى بولىپ جاريالاندى. ءبىز بۇل شەشىمدى قۇپتايمىز جانە قازاقستانمەن تۋريستىك ىنتىماقتاستىقتى ىلگەرىلەتۋ بويىنشا ودان ءارى بەلسەندى جۇمىس ىستەۋگە دايىنبىز. رەسەيدە قازاقستان ابحازيا مەن تۇركيادان كەيىن باراتىن تانىمال باعىتتاردىڭ ىشىندە ءۇشىنشى ورىندا. رەسەي ءوز كەزەگىندە قازاقستانعا كەلەتىن تۋريستەر سانى بويىنشا ءبىرىنشى ورىندا تۇر»،-دەپ اتاپ ءوتتى ءمينيستردىڭ ورىنباسارى.

سوڭعى كەزدەرى ەكى ەل اراسىندا ءوزارا تۋريستىك ساياحات ايتارلىقتاي ارتقان. 2022 -جىلى رەسەي ازاماتتارىنىڭ قازاقستانعا تۋريستىك ساپارلارىنىڭ سانى 2,4 ميلليون ادامدى قۇرادى. رەسەيگە قازاقستاننان 1,7 ميلليونعا جۋىق تۋريست كەلگەن. 2023 -جىلدىڭ 9 ايىندا قازاقستاننان ساپارلار سانى 1,6 ميلليوننان استى، ال رەسەيدەن قازاقستانعا تۋريستىك اعىن 2,2 ميلليون ادامدى قۇرادى.

قازاقستان اۋماعىندا «تۋريستىك كارتا» تولەم قىزمەتىن ەنگىزۋ بويىنشا جۇمىس جۇرگىزىلىپ جاتقان 25 ەلدىڭ قاتارىنا كىردى. بۇل قىزمەت قازاقستاننان كەلگەن تۋريستەرگە رەسەيدە قولما- قول اقشاسىز ەسەپ ايىرىسۋلاردى جىلدام جانە ىڭعايلى جۇرگىزۋگە مۇمكىندىك بەرەدى. رەسپۋبليكا تۇرعىندارى ۆيرتۋالدى كارتاسى بار ەلەكتروندى ءامياندى راسىمدەپ، ول ارقىلى رەسەيدەگى قوناقۇي، ترانسفەر جانە باسقا تۋريستىك قىزمەتتەردى تولەي الادى.

ول سونداي- اق رەسەي مەن قازاقستان اراسىنداعى تۋريستىك اعىندى دامىتۋعا باعىتتالعان رەسەيدىڭ «روزا حۋتور» تاۋلى كۋرورتى، قازاقستاندىق شىمبۇلاق، وزبەكستاننىڭ ءامىرسويى جانە ازەربايجان شاحداعى كىرەتىن تاۋلى كۋرورتتاردىڭ ەۋرازيالىق اليانسىن قۇرۋ جونىندەگى بىرلەسكەن باستامانىڭ دا باعىتتالعانىن ەسكە سالدى.

«قازاقستاندىق جانە رەسەيلىك تۋريستەر ءبىزدىڭ بىرلەسكەن تۋريستىك باعىتتارىمىزعا عاشىق بولدى: ومبى، پاۆلودار جانە الماتى قالالارىن ارالاتاتىن «جارق ەتكەن مەتەور» تۋرى، ورىنبور وبلىسىنداعى شاعان وزەنى بويىنداعى باعدار، تۇمەن وبلىسىنداعى «كوگىلدىر كولدەرگە» ساياحات. ءبىز قازىر قازاقستانمەن شەكتەسەتىن ۇلتتىق تۋريستىك باعدارلاردى قۇرۋ جونىندە كەلىسسوزدەر جۇرگىزىپ جاتىرمىز. تۋريستەر ءۇشىن وسىنداي ەكى باعدار بار - التاي ولكەسىمەن شەكاراداعى «سالەم، التاي!» جانە ساراتوۆ وبلىسىمەن شەكاراداعى «ۆولجە نەمىستەرى»، - دەدى د. ۆولۆاچ.

ونىڭ ايتۋىنشا، رەسەي مەن قازاقستان بەلۋحا تاۋى ايماعىندا ترانسشەكارالىق تۋريستىك ايماقتى دامىتۋعا مۇددەلى. قازىرگى ۋاقىتتا تاراپتار رەسەيلىك- قازاقستاندىق شەكارادان وتۋگە ەرەكشە قۇقىقتىق مارتەبە بەرەتىن ۇكىمەتارالىق كەلىسىمنىڭ جوباسىن ازىرلەۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى