رەسمي: 16 جاستاعى قازاق بالاسى «چەلسي» كلۋبىنا اۋىستى
الماتى. KAZINFORM — الماتىلىق «قايرات» پەن لوندوندىق «چەلسي» كلۋبى 16 جاستاعى شابۋىلشىنىڭ ترانسفەرى بويىنشا كەلىسىمگە كەلدى.
الماتىلىق كلۋبتىڭ باسپا ءسوز قىزمەتى حابارلاعانداي، 2026-جىلدىڭ جازىندا كامەلەتتىك جاسقا تولعان سوڭ رەسمي تۇردە اعىلشىن كومانداسىنا قوسىلادى.
ول ۋاقىتقا دەيىن داستان ساتپايەۆ «قايرات» ساپىندا ونەر كورسەتەدى.
داستان الماتىدا دۇنيەگە كەلگەن. 8 جاسىندا «قايرات» اكادەمياسىنا ءتۇسىپ، دايىندىقتىڭ بارلىق ساتىسىنان ءوتتى.
ايتا كەتەيىك، 2024-جىلدىڭ مامىر ايىندا ساتبايەۆ «قايرات» كومانداسىندا دەبيۋت جاساعان ەڭ جاس ويىنشى رەتىندە تاريحقا ەندى. وتكەن QJ ليگاسىندا جاس فۋتبولشى 28 ويىندا 26 گول سوعىپ، 10 ناتيجەلى پاس بەردى. سونداي-اق ساتبايەۆ ماۋسىمنىڭ ۇزدىك ويىنشىسى اتاعىن الدى. ال ۋەفا جاس وسپىرىمدەر ليگاسىندا (U19) 16 جاسار فۋتبولشى ءتورت ماتچتا ءبىر گول سوعىپ، ءبىر ناتيجەلى پاس بەردى.
بۇعان دەيىن تانىمال سپورت جۋرناليسى فابريتسيو رومانو 16 جاستاعى قازاقستاندىق فۋتبولشى داستان ساتبايەۆتىڭ «چەلسيعا» اۋىسقانىن حابارلاعان بولاتىن.
ەسكە سالايىق، بۇعان دەيىن «مانچەستەر سيتي» كلۋبىنا وزبەكستاندىق ورتالىق قورعاۋشىسى ابدۋقودير حۋسانوۆ اۋىسقانىن جازعانبىز.
