رەسپۋبليكا كۇنى قارساڭىندا ەلوردا عيماراتتارىنا 1000 نان استام تۋ ءىلىندى
ەلوردادا «مەنىڭ ەلىم - مەنىڭ تۋىم!» چەللەندجى اياسىندا قالا تۇرعىندارى 1000 نان استام تۋ ءىلدى، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.
«استانا جاستارى» ەرىكتىلەرى مەملەكەتتىك ءرامىزدى دارىپتەۋ بويىنشا العاشقىلاردىڭ ءبىرى بولىپ ۇلكەن اكسيانى باستادى. Instagram جەلىسىندە ولار قازاقستاندىقتاردى وزدەرىنىڭ تۋمەن تۇسكەن فوتو/ۆيدەولارىن جاريالاۋعا جانە #RepublicDay #رەسپۋبليكاكۇنى #kzdayrepublic حەشتەگىمەن بەلگىلەۋگە شاقىردى.
ەرىكتىلەردىڭ ايتۋىنشا، پاتريوتتىق ءىس-شارا جىل سايىن وتكىزىلەدى. بۇل تەك بەزەندىرىلگەن ۇيلەردىڭ تۇرعىندارىنىڭ عانا ەمەس، ەلوردا كوشەلەرىمەن ءوتىپ بارا جاتقان ادامداردى دا قۋانىشقا بولەيدى. استانالىقتار بۇل باستامانى جىلى قابىلداپ، اكتسياعا قوسىلدى.
«مۇنداي كورىنىس ەرەكشە اسەر بەرەدى. جۇمىسقا بارا جاتقاندا وسى كورىنىسكە كوز جۇگىرتىپ، ەرىكسىز كوڭىل كۇيىم كوتەرىلەدى. مەنىڭ ويىمشا، ادامداردى كۇندەلىكتى كۇيبەڭ تىرلىكتەن الشاقتاتىپ، ويىن ءبولۋ كەرەك»، - دەپ ءبولىستى استانا تۇرعىنى تامارا سۋۆورينا.
ايتا كەتەيىك، قالانىڭ ورتالىق كوشەلەرىندە (تاۋەلسىزدىك، ب. مومىش ۇلى داڭعىلدارى، سارايشىق، سىعاناق، دوستىق كوشەلەرى، رەسپۋبليكا، ۇلى دالا داڭعىلدارى جانە ت. ب. )، جول بويىندا ق ر تۋلارى ىلىنگەن.
جالپى استانا قالاسى بويىنشا مىڭنان استام تۋ ءىلىندى. اكتسيا جالعاسىپ جاتىر.
