رەسپۋبليكا بويىنشا كوپتەگەن سۋ قويمالارىن كۇردەلى جوندەۋ قاجەت - ءاليحان سمايىلوۆ
ۇكىمەتتە وتكەن كەڭەستە ق ر پرەمەر-ءمينيسترى ءاليحان سمايىلوۆتىڭ 6-قازاندا شىعىس قازاقستان وبلىسىنا جۇمىس ساپارى كەزىندە بەرگەن تاپسىرمالارىن ورىنداۋعا قاتىستى شارالار قارالدى ، دەپ حابارلايدى Kazinform.
ورتالىق مەملەكەتتىك ورگاندار مەن اكىمدىك باسشىلارىنىڭ قاتىسۋىمەن وبلىستاعى قاندىسۋ جانە ۇيدەنە سۋ قويمالارىن، سونداي-اق ءوڭىردىڭ سۋارمالى جەرلەرىندەگى شارۋاشىلىقارالىق جانە شارۋاشىلىقىشىلىك كانالداردى كۇردەلى جوندەۋ ماسەلەلەرى تالقىلاندى.
پرەمەر-مينيستر جالپى رەسپۋبليكا بويىنشا كوپتەگەن سۋ قويمالارىن كۇردەلى جوندەۋ قاجەت ەكەنىن، سوندىقتان بۇل جۇمىستى كەزەڭ كەزەڭىمەن جۇرگىزۋ كەرەكتىگىن اتاپ ءوتتى.
ەڭ الدىمەن، باسىم جوبالارعا باسا نازار اۋدارۋ كەرەك.
سونىمەن قاتار كەڭەسكە قاتىسۋشىلار «التاي» كوتەرمە-تاراتۋ ورتالىعى، ريددەر قالاسىنداعى ەمحاناسى بار كوپسالالى اۋرۋحانا كەشەنىن سالۋ ماسەلەلەرىن تالقىلادى.
پرەمەر-مينيستر جوسپارلانعان جوبالاردىڭ ۋاقتىلى ورىندالۋىن قامتاماسىز ەتۋ قاجەتتىگىن اتاپ ءوتتى.
«مۇددەلى مەملەكەتتىك ورگاندارمەن بىرلەسىپ، مارقاكول جانە كاتونقاراعاي اۋداندارىن قالپىنا كەلتىرۋ جۇمىستارىن قامتاماسىز ەتۋدى تاپسىرامىن. اكىمدىكپەن بىرلەسىپ، تاپسىرمالاردىڭ بارلىعىن ۋاقتىلى ءارى ساپالى ورىنداۋ ءۇشىن ۆەدومستۆوارالىق ءوزارا ءىس-قيمىلدى كۇشەيتۋ قاجەت»، - دەپ تۇيىندەدى ءسوزىن ۇكىمەت باسشىسى.
