پرەمەر-مينيستر ولجاس بەكتەنوۆ ەركين تۋنيازبەن كەزدەستى

كەلىسسوز بارىسىندا مەملەكەت باسشىلارى دەڭگەيىندە قول جەتكىزىلگەن ۋاعدالاستىقتاردى ىسكە اسىرۋ اياسىندا ساۋدا-ەكونوميكالىق جانە ينۆەستيتسيالىق سالالارداعى ىنتىماقتاستىق ماسەلەلەرى تالقىلاندى.

قىتاي - قازاقستاننىڭ ءىرى سىرتقى ساۋدا سەرىكتەسى. وتكەن جىلدىڭ قورىتىندىسى بويىنشا ەكىجاقتى تاۋار اينالىمى $31,5 ميلليارد بولدى. قىتايدىڭ شىڭجاڭ- ۇيعىر اۆتونوميالىق اۋدانى ەلىمىزدىڭ ءتورت وبلىسىمەن شەكتەسەدى. ق ح ر-دىڭ جالپى تاۋار اينالىمىنىڭ %64 دان استامى نەمەسە $20,3 ميللياردى اۆتونوميالىق اۋداننىڭ ۇلەسىنە تيەسىلى.

تاراپتار ينۆەستيتسيالىق ىنتىماقتاستىقتىڭ نىعايىپ جاتقانىن اتاپ ءوتتى. 2005 -جىلدان باستاپ ق ح ر-دان ينۆەستيتسيالاردىڭ جالپى اعىنى $25 ميللياردقا جۋىقتادى. وتكەن جىلدىڭ 9 ايىندا تىكەلەي قىتايلىق ينۆەستيتسيالار كولەمى %37 عا ءوستى. بۇگىنگى تاڭدا 45 ەكىجاقتى جوبادان تۇراتىن ءتىزىمنىڭ جالپى ينۆەستيتسياسى $14,5 ميللياردتان استام سومانى قۇرايدى.

«اراداعى ءوزارا ءىس-قيمىلدىڭ ماڭىزدى باعىتى - جاڭا بىرلەسكەن ونەركاسىپتىك جوبالارعا نەگىزدەلگەن، ونىڭ ىشىندە مۇناي حيمياسى جانە مەتاللۋرگيا سالالارىنداعى ينۆەستيتسيالىق ىنتىماقتاستىقتى كەڭەيتۋ»، - دەدى ولجاس بەكتەنوۆ.

ول سونداي-اق ساۋدا قاتىناستارىن ءارتاراپتاندىرۋ الەۋەتى زور ەكەنىن اتاپ ءوتتى. كەلىسسوز بارىسىندا ولجاس بەكتەنوۆ پەن ەركين تۋنياز ءوزارا ءىس-قيمىلدى دامىتۋدىڭ مۇمكىندىكتەرى رەتىندە ترانزيتتىك كولىك، مادەني جانە ءوڭىرارالىق باعىتتاردى، سونداي-اق اۋىل شارۋاشىلىعى جانە تۋريزم سالالارىن اتاپ ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى