پرەمەر-مينيستر قوسشى قالاسىنىڭ باس جوسپارىمەن تانىستى

وڭىردە الەۋمەتتىك ينفراقۇرىلىم قۇرۋ بويىنشا اتقارىلىپ جاتقان جۇمىستاردىڭ بارىسىن تەكسەردى. قازىر مۇندا 59 مىڭعا جۋىق ادام تىركەلگەن. ءبىراق تۇرعىنداردىڭ ناقتى سانى 100 مىڭنان اسادى. سوندىقتان جاڭا باس جوسپاردا اۋماقتى كەڭەيتۋ، جاڭارتىلعان قىزمەت كورسەتۋ ايماقتارىنا ءبولۋ، سونداي-اق ينجەنەرلىك جانە كولىك ينفراقۇرىلىمىن جاڭعىرتۋعا كوڭىل بولىنگەن.

قوسشى اكىمى ازامات قاپىشيەۆتىڭ ايتۋىنشا، كوپ پاتەرلى تۇرعىن ۇيلەردىڭ قۇرىلىسىنا 360 گەكتاردان استام، جەكە تۇرعىن ءۇي قۇرىلىسىنا 900 گەكتاردان استام جەر تەلىمى بولىنگەن. سونداي-اق 2038 -جىلعا دەيىن 31 بالاباقشا، 16 جالپى ورتا مەكتەپ، وبلىستىق اۋرۋحانا جانە 7 ەمحانا سالۋ جوسپارلانىپ وتىر.

ازامات قاپىشيەۆ، قوسشى قالاسىنىڭ اكىمى:

- قازىردىڭ وزىندە زاماناۋي قوعامدىق مادەني-سپورتتىق ورتالىق سالىنىپ ءبىتتى. وبلىستىق كوپ بەيىندى اۋرۋحانانىڭ قۇرىلىسى ءجۇرىپ جاتىر. بۇل عيماراتتارعا جاڭا ينجەنەرلىك ينفراقۇرىلىم قاجەت. سونىمەن قاتار سۋ، جىلۋ جانە كارىز جەلىلەردى دە جاڭارتۋ كەرەك. سەبەبى 2038 -جىلى قالا حالقى 150 مىڭ ادامعا جەتەدى دەگەن بولجام بار.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى