پرەمەر-مينيستر: ەلىمىزدە تاعى ەكى ا ە س سالىناتىن ورىندى انىقتاۋ جۇمىستارى باستالدى

ولجاس بەكتەنوۆتىڭ پايىمداۋىنشا، كوممۋنالدىق شارۋاشىلىق جانە ەنەرگەتيكا سالاسىنداعى داعدارىستىڭ ەڭ اۋىر كەزەڭى ارتتا قالدى.

- پرەزيدەنتتىڭ باسشىلىعىمەن ەلىمىزدىڭ ينفراقۇرىلىمىن اۋقىمدى جاڭعىرتۋ جۇمىستارى جۇرگىزىلۋدە.

ۇزاق جىلدار بويى جىلۋ ەنەرگەتيكاسى سەكتورىنا ءتيىستى كوڭىل بولىنبەي كەلدى: رەسپۋبليكا بويىنشا ينفراقۇرىلىمدىق جەلىلەردىڭ توزۋ دەڭگەيى %65 عا، ال جەكەلەگەن وڭىرلەردە ءتىپتى %90 عا جەتتى. قازىر ەنەرگەتيكا جانە كوممۋنالدىق سالالارداعى داعدارىستىڭ اۋىر كەزەڭىن ەڭسەرە الدىق. ەگەر 2019 -جىلى جىلۋ كوزدەرىنىڭ ورتاشا توزۋ دەڭگەيى %71 عا جەتسە، قازىر ونى %61 عا دەيىن تومەندەتۋگە مۇمكىندىك تۋدى. بۇل جۇمىس جالعاسادى، - دەپ جازادى ول ماقالادا.

ۇكىمەت باسشىسى بىلتىر مەملەكەت باسشىسىنىڭ تاپسىرماسىمەن 86 مىڭ شاقىرىم ينجەنەرلىك جەلىنى جاڭعىرتىپ، جاڭا قۋات كوزدەرىن ىسكە قوسۋدى كوزدەيتىن ۇلتتىق جوبا ىسكە اسىرىلا باستاعانىن اتاپ وتكەن. ۇكىمەت بۇل جوبا ويداعىداي ىسكە اسسا، تەحنولوگيالىق اپاتتار سانىن %20 عا قىسقارتىپ، ەنەرگەتيكالىق جانە كوممۋنالدىق سەكتورلاردىڭ توزۋ دەڭگەيىن ورتا ەسەپپەن %40 عا ازايتۋعا، گەنەراتسيانى 7 گ ۆ ت- تان استام ارتتىرۋعا مۇمكىندىك بەرەدى. اتالعان باعدارلامانى ىسكە اسىرعان كەزدە قازاقستاندىق ءونىم شىعاراتىن كاسىپورىنداردىڭ الەۋەتىن تولىق پايدالانۋ جوسپارلانىپ وتىر. قازاقستاندىق كومپانيالاردىڭ جوسپارلانعان ءونىم كولەمى شامامەن 3,5 تريلليون تەڭگە دەپ باعالانعان.

- 2019 -جىلدان بەرى ەلەكتر ەنەرگياسىن تۇتىنۋ %14عا ءوسىپ، شامامەن 120 ميلليارد كۆت/ساع قۇرادى. حالىق سانىنىڭ ءوسۋىن، سونداي-اق جۇرگىزىلىپ جاتقان يندۋستريالىق دامۋ جانە سيفرلاندىرۋ ساياساتىن ەسكەرە وتىرىپ، ەنەرگيا تۇتىنۋ ودان ءارى ارتا تۇسەدى دەپ بولجانىپ وتىر. وسىعان وراي پرەزيدەنت تاپسىرماسى بويىنشا يادرولىق ەنەرگەتيكانى دامىتۋ قولعا الىندى. ءبىرىنشى ا ە س قۇرىلىسىنىڭ اۋدانى انىقتالدى. تاعى ەكى ستانتسيا سالۋ ءۇشىن قۇرىلىس ورىندارىن انىقتاۋ جۇمىستارى باستالدى، - دەيدى ۇكىمەت باسشىسى.

ايتا كەتۋ كەرەك، وتكەن اپتادا عانا بۋرابايدا ءوتىپ جاتقان ۇلتتىق قۇرىلتايدىڭ IV وتىرىسىندا مەملەكەت باسشىسى قاسىم-جومارت توقايەۆ قازاقستانعا ءۇش اتوم ەلەكتر ستانساسىن سالۋ كەرەكتىگىن ايتقان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى