گەرمانيادا ءبىر توپ ادامدى قاققان كولىك تۋرالى نە بەلگىلى

ت ا س س مالىمەتىنشە، كەمىندە 11 ادام قازا تاۋىپ، 80 گە جۋىق ادام جارالانعان. ازىرگە ەكى ادامنىڭ، ونىڭ ىشىندە ءبىر بالانىڭ ءولىمى رەسمي راستالدى.

قارا ءتۇستى BMW جۇرگىزۋشىسى كولىگىن روجدەستۆو بازارىنىڭ ادام كوپ جۇرەتىن جاعىنا قاراي قاساقانا باعىتتاعان.

پوليتسەيلەر بازار ماڭىنان جارىلعىش زات ىزدەۋگە كىرىستى. قازىر قالا ورتالىعى قورشاۋعا الىندى. 80 شاقىرىم جەردەگى ماگدەبۋرگ پەن گاللە اۋرۋحانالارى زارداپ شەككەندەردى قابىلداۋعا دايىندالىپ جاتىر. بۇل جۇمىسقا وڭىردەگى بارلىق قۇتقارۋ تىكۇشاقتارى جۇمىلدىرىلعان.

ەرفۋرتتەگى (تيۋرينگيا) روجدەستۆولىق بازارعا كەلۋشىلەر مەن ساتۋشىلار ماگدەبۋرگتەن كەلگەن حابارلامالاردان كەيىن ەۆاكۋاتسيالاندى.

DPA اگەنتتىگى جۇرگىزۋشىنىڭ ۇستالعانىن حابارلادى. ونىڭ 1974-جىلى تۋعان ساۋد ارابياسىنىڭ تۋماسى ەكەنى انىقتالدى.

كۇدىكتى كولىكتى جالعا الىپ، ادامداردى قاققان. كولىك ىشىنەن جارىلعىش زات تابىلمادى.

ەر ادام قۇقىق قورعاۋ ورگاندارىنىڭ نازارىنا يسلامشىل رەتىندە كورىنگەن جوق. پوليتسيا كۇدىكتى جالعىز ارەكەت ەتكەن دەپ ەسەپتەيدى.

ەسكە سالساق، كەشە گەرمانيانىڭ ماگدەبۋرگ قالاسىنداعى روجدەستۆولىق بازاردا جانتۇرشىگەرلىك تەراكت بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى