گەرمانيا بيلىگى ميگراتسيانى شەكتەيتىن جاڭا جۇيە ەنگىزدى
گەرمانيا بيلىگى ميگراتسيانى شەكتەيتىن جاڭا امالداردى ورىنداۋعا كەلىستى. ولاف شولتس يتاليانىڭ ۇلگىسىن نەگىزگە الا وتىرىپ شەتەلدەن پانا بەرۋ تۋرالى وتىنىشتەردى قارايدى.
گەرمانيا كانسلەرى ولاف شولتس پەن 16 فەدەرالدىق جەر جەتەكشىلەرى ميگراتسيانى شەكتەيتىن جاڭا شارالاردى ورىنداۋعا كەلىستى. داۋلى ماسەلەلەردىڭ ءبىرى پانا سۇرايتىنداردىڭ شىعىنىن وتەۋ بولاتىن، فەدەرالدىق ۇكىمەت وعان كومەكتەسۋگە كەلىستى.
«ورتاق مىندەتىمىز - زاڭسىز ميگراتسيانى توقتاتۋ. بەلگىلىسى، ەۋروپانىڭ سىرتقى ەلدەرىنىڭ بۇدان دا ءتيىمدى قورعانىسى كەرەك جانە ءبىز ميگرانتتاردى ەۋروپاعا جۇيەلەپ تاراتۋىمىز قاجەت. سول سەبەپتى بۇگىنگىگە قاراعاندا جەڭىل رەپاترياتسيامەن قامتاماسىز ەتۋگە كۇش سالعانىمىز ابزال. ول ءۇشىن ولار كەلگەن ەل جانە ترانزيتتىك ەلدەرمەن ميگراتسيالىق كەلىسىم جاساۋ نەگىزگى شارت سانالادى»، - دەپ اتاپ ءوتتى گەرمانيا كانسلەرى ولاف شولتس.
سونداي- اق شولتس شەتەلدەن پانا سۇرايتىنداردىڭ ءوتىنىشىن قاراستىرۋعا ۋادە بەردى. جاقىندا عانا ريم مەن تيرانا كەلىسىمگە كەلىپ، سونىڭ اياسىندا يتاليا البانيادا بوسقىندارعا ارنالعان ورتالىقتار سالىپ، ول جەرگە جەرورتا تەڭىزىنەن قۇتقارىلعان ميگرانتتاردى جىبەرىپ وتىرۋ تۋرالى شەشىمگە كەلدى. شولف يتاليا ۇلگىسىن نەگىزگە الاتىنىن ايتتى.
اۆتور
بالنۇر قوجاگەلدى
