ەرلى-زايىپتىنىڭ ءبىرى قارىزعا باتسا، ورتاق مۇلىك قالاي ەسەپتەلەدى - زاڭگەر جاۋابى
استانا. KAZINFORM - ەرلى-زايىپتىنىڭ ءبىرى قارىزعا باتسا، قارىزدى بورىشكەردىڭ ءوزى تولەيدى. ەكىنشى تاراپتىڭ مۇلكىنە ەشكىم قول سۇعا المايدى.
بۇل تۋرالى «ادىلەتتى قوعام» باعدارلاماسىنا بەرگەن سۇقباتىندا زاڭگەر نۇرجان ابدىكارىموۆ ايتتى.
ماماننىڭ ايتۋىنشا، قارىز نەسيە العان ادامنىڭ جەكە مۇلكى ەسەبىنەن عانا وندىرىلەدى.
نەكە جانە وتباسى تۋرالى كودەكس بار. نەكەدە تۇرعان ازامات پەن ازاماتشانىڭ، ەرلى-زايىپتىنىڭ ورتاق مۇلكىنە قاتىستى بەلگىلى ءبىر رەجيمدى بەكىتكەن. ول كۇندەلىكتى ايتىلىپ جۇرگەن %50. قانداي جاعدايدا، قانداي قاراجاتقا الىنعانىنا قاراماستان، مۇلىكتە ەكى ازاماتتىڭ دا ۇلەسى بولادى. ەكەۋىنىڭ ءبىرى قارىز الىپ، ونى تولەمەگەن جاعدايدا سوت ورىنداۋشىسى نە ىستەيدى؟ بۇل جاعدايدا قارىز العان ادامنىڭ ۇلەسىن، وعان تيەسىلى مۇلىكتى انىقتايدى، - دەدى زاڭگەر نۇرجان ابدىركارىموۆ.
سونداي-اق «حالىق ءۇنى» YouTube كانالىنداعى ۆيدەوعا پىكىر قالدىرىپ، ازاماتتار ىستەر بويىنشا سۇراقتارىڭىزدى جولداساڭىزدار بولادى. ول سۇراقتارعا زاڭگەرلەر مەن ساراپشىلار تىكەلەي ەفيردە جاۋاپ بەرە الادى.
