ەرلى-زايىپتىلار ورتاق مەنشىكتەگى مۇلىكتىڭ سالىعىن قالاي تولەيدى
مۇلىك سالىعى پاتەر يەسىنىڭ جۇبايىنا ەسەپتەلسە نە ىستەۋ كەرەك؟ بۇل ساۋالعا مەملەكەتتىك كىرىستەر كوميتەتى جاۋاپ بەردى، دەپ حابارلايدى قازاقپارات.
ەرلى-زايىپتىلار نەكەدە تۇرعان كەزىندە جيناعان مۇلىك - ولاردىڭ بىرلەسكەن ورتاق مەنشىگى (نەكە جانە وتباسى تۋرالى كودەكستىڭ 33-بابى).
ورتاق بىرلەسكەن مەنشىكتە ءوزارا كەلىسىم بويىنشا مۇلىك يەلەرىنىڭ ءبىرى سالىق تولەۋشى بولىپ تابىلادى.
«ەگەر سالىق سوماسى بارلىق مەنشىك يەلەرىنە كەلسە، وندا مەنشىك يەلەرىنىڭ بىرەۋى عانا تولەم جاسايدى. ورتاق ۇلەستىك مەنشىكتە وسى مۇلىكتەگى ۇلەسىنە سايكەس مۇلىكتىڭ بارلىق مەنشىك يەلەرى - سالىق تولەۋشىلەر. مەملەكەتتىك كىرىستەر ورگاندارى ۋاكىلەتتى ورگان (ازاماتتارعا ارنالعان ۇكىمەت) جىبەرگەن مالىمەتتەردىڭ نەگىزىندە ەرلى-زايىپتىلاردىڭ بىرىنە مۇلىك سالىعىن ەسەپتەيدى» دەيدى كوميتەتتەن.
1-قازاندا 2022 -جىل ءۇشىن جىلجىمايتىن مۇلىك جانە جەر ۋچاسكەلەرىنىڭ مەنشىك يەلەرىنىڭ مۇلىك سالىعىن تولەۋ مەرزىمى اياقتالادى.
الايدا 1-قازان دەمالىس كۇنى ەكەنىن ەسكەرسەك، تولەم مەرزىمى – 2-قازان.
«قاتە تولەم بولماس ءۇشىن كورسەتىلگەن دەرەكتەمەلەردى پايدالانا وتىرىپ، تولەمدى ءبىر ۋاقىتتا تولەۋ مۇمكىندىگىمەن ناقتى ەسەپتەلگەن سالىق سوماسىن kgd.gov.kz سايتىندا «الداعى تولەمدەر» سەرۆيسىندە جانە E-salyq Azamat موبيلدى قوسىمشاسىنان، سونداي-اق بانكتەردىڭ «Kaspi.kz» جانە «Halyk Bank» موبيلدى قوسىمشالارىندا كورۋگە بولادى» دەيدى م ك ك.
