ۇرلانعان دەرەكتەردىڭ تاعى ءبىر بولىگى جاريالانۋى مۇمكىن - ولجاس ساتيەۆ

16- اقپاندا بەلگىسىز دەرەككوز تانىمال Github رەسۋرسىندا قولدى بولعان دەرەكتەردى جاريالادى.

«زەرتتەۋشىلەر ونى تەكسەرە باستاعاندا، بۇل قىتايلىق حاكەرلەر توبىنىڭ اقپاراتى بولۋى مۇمكىن ەكەنى انىقتالدى. كەيبىر جاپا شەگۋشى ادامدارداردىڭ لوگيندەرى، دەرەكتەر بازاسى جانە قوڭىراۋلارى تۋرالى مالىمەتتەر دەرەكتەردىڭ شىنايى ەكەنىن كورسەتەدى. بارلىق اقپاراتتىڭ سىرتقا تارالىپ كەتۋىن راستاۋ مۇمكىن ەمەس، ءبىراق جاريالانعان مالىمەتتەرگە سۇيەنە وتىرىپ، ءبىز بۇل اقپاراتتىڭ ءىشىنارا شىنايى ەكەنىنە سەنەمىز»، - دەدى ولجاس ساتيەۆ.

ورتالىق باسشىسى دەرەكتەردىڭ كەيىن دە سىرتقا شىعۋى مۇمكىن ەكەنىن ەسكەرتتى.

«ءبىز ءالى بارلىق دەرەكتەر جاريالانباعانىن تۇسىنەمىز. تاعى دا ۇرلانعان دەرەكتەر جاريالانۋى مۇمكىن. مەنىڭ تۇسۋىنۋىمشە، بۇل دەرەكتەرگە قول جەتكىزگەن بەلگىسىز ادامدار تەرابايتتاعان (كوپ) مالىمەتتەردى كوشىرىپ العان، ءبىراق ونىڭ ءبىر بولىگىن عانا جاريالادى»، - دەدى ول.

ولجاس ساتيەۆتىڭ اتاپ وتۋىنشە، مۇنداي ماقساتتى شابۋىلدار مەن حاكەرلەر توپتارىنان قورعانۋ وتە قيىن.

«ءبىز ولاردىڭ بيۋجەتى كوپ، تۇتاس كيبەر ارمياسى بار ەكەنىن ءتۇسىنۋىمىز كەرەك، ولار بۇل ءۇشىن قىرۋار قارجى بولەدى. ال كيبەرقاۋىپسىزدىك ماسەلەسى - بۇل ءارقاشان بيۋجەت ماسەلەسى. بۇكىل الەمدە كيبەرقاۋىپسىزدىككە IT- بيۋجەتتىڭ %10 بولىنەتىن تاجىريبە بار ەكەنىن، ال قازاقستاندا بۇعان %1-3 عانا بولىنەتىنىن ەسكەرسەك، پروبلەمانىڭ بار ەكەنىن كورەمىز. سونداي-اق، كوبىنە باسشىلىق پەن قاراپايىم ازاماتتار ءبىزدى ەشكىم بۇزبايدى، ول كىمگە كەرەك دەپ ويلايدى. سوڭعى جاعداي «ءيا، ءبىزدىڭ اقپاراتتىق قورعانىسىمىزدى بۇزىپ جاتىر، ءبىز ولاردى قىزىقتىرامىز، ولار ءبىز تۋرالى دەرەكتەر جيناپ، كيبەرتىڭشىلىق جاساپ جاتىر» دەگەندى كورسەتىپ وتىر»، - دەدى ول.

سوندىقتان، ونىڭ پىكىرىنشە، قازاقستان بيۋجەتتى ۇلعايتىپ، كادرلىق رەسۋرستاردى جانە كيبەرقاۋىپسىزدىك سالاسىنداعى ءوزىنىڭ IT ازىرلەمەلەرىن جەتىلدىرۋى كەرەك.

«ءبىز بۇل حاكەرلەر توپتارى ەكى جىلعا دەيىن قاي ۇيىمداردا وتىرىپ، اقپارات جيناعانىن شامالاپ وتىرمىز. ءبىز ولاردىڭ نەگىزىنەن قانداي تەلەفون نومىرلەرىن ىزدەيتىنىن جانە قانداي قوڭىراۋلار تۋرالى مالىمەتتەردى تەكسەرەتىنىن زەرتتەي باستاعاندا، ولاردىڭ نەگىزىنەن قۇقىق قورعاۋ قىزمەتكەرلەرى تۋرالى اقپاراتتى ىزدەگەنىنە تاڭعالمادىق. بۇل تۇسىنىكتى، كيبەربارلاۋ جۇرگىزىلگەندە، ولاردى قىزىقتىراتىن ادامدار وسى»، - دەپ تولىقتىردى ول.

ەسكە سالا كەتسەك، بۇعان دەيىن ب ا ق قىتايدىڭ مەملەكەتتىك قۇجاتتارىنىڭ سىرتقا شىعىپ كەتكەنى، ولاردىڭ اراسىندا قازاقستاندىقتاردىڭ دەرەكتەرى دە تابىلعانى تۋرالى اقپارات جاريالانعان بولاتىن.

سيفرلىق دامۋ مينيسترلىگى مەن ۇلتتىق قاۋىپسىزدىك كوميتەتى قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ، سونداي-اق اقپاراتتىق قاۋىپسىزدىك تۋرالى زاڭناماسى تالاپتارىنىڭ ساقتالۋىن قامتاماسىز ەتۋ ماقساتىندا ءتيىستى ۇيىمداردا جوسپاردان تىس تەكسەرۋلەر جۇرگىزۋدە.

سونداي-اق، ءبىرىڭعاي ۇلتتىق زەينەتاقى قورى قازاقستاندىقتاردىڭ جەكە دەرەكتەرىنىڭ سىرتقا شىعۋى تۋرالى حابارلامالارعا قاتىستى ەگجەي-تەگجەيلى تالداۋ جۇرگىزىپ، مالىمدەمە جاسادى.

كەيىن پلەنارلىق وتىرىستا ءماجىلىس دەپۋتاتى ەكاتەرينا سمىشليايەۆا جەكە دەرەكتەردى قورعاۋ سالاسىنداعى ماماندار سانىن كوبەيتۋدى ۇسىندى.

22-اقپاندا سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى اقپاراتتىق قاۋىپسىزدىك بويىنشا تىكەلەي ەفير وتكىزۋگە ۋادە بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى