ەرلان تۇرعىمبايەۆقا قاتىستى سوت ۇكىمى شىقتى

ەكس-شەنەۋنىككە قاتىستى قىلمىستىق ءىستى استانا قالاسىنىڭ قىلمىستىق ىستەر جونىندەگى اۋدانارالىق سوتى اۋىر زارداپتارعا اكەپ سوقتىرىپ، بيلىكتى اسىرا پايدالاندى دەگەن ايىپ بويىنشا قارادى.

«بۇل ءىس پروتسەدۋرالىق كەلىسىممەن كىناسىن مويىنداۋ «قۇپيا» بەلگىسىمەن كەلدى. سوندىقتان ءىس جابىق فورماتتا قارالدى. سوتتا پروكۋرور ايىپتى قولداپ، سوتتان 5 جىلعا باس بوستاندىعىنان ايىرۋ جازاسىن تاعايىنداۋدى سۇرادى»، - دەلىنگەن حابارلامادا.

سوتتالۋشى كىناسىن تولىق مويىنداپ، ءوز ىسىنە وكىنگەن.

سوت ۇكىمىمەن ەكس-مينيستر قىلمىس جاساعانى ءۇشىن كىنالى دەپ تانىلىپ، بەلگىلى ءبىر لاۋازىمداردى اتقارۋ قۇقىعىنان 10 جىلعا ايىرا وتىرىپ، 5 جىلعا باس بوستاندىعىنان ايىرىلدى.

«ە. تۇرعىمبايەۆقا سىبايلاس جەمقورلىق قىلمىس بەلگىلەرى جوق ايىپ تاعىلعاندىقتان، قىلمىستىق كودەكستىڭ 63-بابىنىڭ نەگىزىندە تاعايىندالعان جازانى شارتتى دەپ ساناۋ تۋرالى قاۋلى ەتىلدى. بۇل رەتتە سوت سوتتالۋشىنىڭ كىناسىن مويىنداۋىن، ونىڭ شىن جۇرەكتەن وكىنگەنىن جانە العاش رەت قىلمىس جاساعانىن ەسكەردى»، - دەلىنگەن حابارلامادا.

سونداي-اق، سوت ق ر پرەزيدەنتىنە ەكس-ءمينيستردى ارناۋلى اتاقتان جانە مەملەكەتتىك ناگرادالاردان ايىرۋ تۋرالى ۇسىنىس ەنگىزۋ تۋرالى شەشىم قابىلدادى.

ۇكىم زاڭدى كۇشىنە ەنگەن جوق.

ەسكە سالا كەتەيىك، بۇرىنعى ىشكى ىستەر ءمينيسترى ەرلان تۇرعىمبايەۆ بيىل ساۋىردە ۇستالدى.

كەيىن ەكس-شەنەۋنىكتىڭ ەكى ايعا قاماۋعا الىنعانى حابارلاندى.

19-شىلدەدە بۇرىنعى ىشكى ىستەر ءمينيسترى ەرلان تۇرعىمبايەۆتىڭ ءىسى سوتقا تۇسكەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى