ەرلان سارسەمبايەۆ ادىلەت ءمينيسترى بولىپ تاعايىندالدى

- مەملەكەت باسشىسىنىڭ جارلىعىمەن ەرلان جاقسىلىق ۇلى سارسەمبايەۆ قازاقستان رەسپۋبليكاسىنىڭ ادىلەت ءمينيسترى لاۋازىمىنا تاعايىندالدى، - دەلىنگەن حابارلامادا.

ەرلان جاقسىلىق ۇلى سارسەمبايەۆ 1975-جىلى الماتى وبلىسى تالعار اۋدانى وكتيابر اۋىلىندا دۇنيەگە كەلگەن.

1997-جىلى الماتى ەنەرگەتيكا جانە بايلانىس ينستيتۋتىن «راديوينجەنەر» ماماندىعى بويىنشا، ال 2000-جىلى د. قونايەۆ اتىنداعى گۋمانيتارلىق ۋنيۆەرسيتەتتى بىتىرگەن.

2002-جىلدان 2005-جىلعا دەيىن پرەمەر-مينيستر كەڭسەسىنىڭ قورعانىس جانە قۇقىقتىق ءتارتىپ ءبولىمىنىڭ كەڭەسشىسى، سەكتور مەڭگەرۋشىسى قىزمەتىن اتقاردى.

2005-جىلدان 2011-جىلعا دەيىن سەنات اپپاراتىندا جۇمىس ىستەدى. حالىقارالىق ىستەر، قورعانىس جانە قاۋىپسىزدىك كوميتەتىمەن ءوزارا ءىس-قيمىل جونىندەگى ءبولىم مەڭگەرۋشىسىنىڭ ورىنباسارى، سونداي- اق الەۋمەتتىك- مادەني دامۋ كوميتەتىمەن ءوزارا ءىس-قيمىل جونىندەگى ءبولىم مەڭگەرۋشىسى لاۋازىمدارىن اتقاردى.

2011-جىلدان 2016-جىلعا دەيىن ۇلتتىق قاۋىپسىزدىك ورگاندارىندا قىزمەت اتقاردى. وندا ۇلتتىق قاۋىپسىزدىك كوميتەتى (ۇ ق ك) زاڭ دەپارتامەنتى باستىعىنىڭ ورىنباسارى جانە باستىعى لاۋازىمدارىن اتقاردى.

2016-2017-جىلدار ارالىعىندا پارلامەنت سەناتىنىڭ اپپاراتىنا قايتا اۋىسىپ، الەۋمەتتىك-مادەني دامۋ جانە عىلىم كوميتەتىمەن ءوزارا ءىس-قيمىل ءبولىمىنىڭ مەڭگەرۋشىسى قىزمەتىن اتقاردى.

2017-جىلدان 2019-جىلعا دەيىن سەنات اپپاراتى باسشىسىنىڭ ورىنباسارى بولدى.

2019-2022-جىلدارى سەنات اپپاراتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىمەن ءوزارا ءىس-قيمىل جونىندەگى ءبولىمدى باسقاردى.

2023-جىلدىڭ 1-قاڭتارىنان باستاپ كونستيتۋتسيالىق سوتتىڭ سۋدياسى بولىپ جۇمىس ىستەدى.

ايتا كەتەيىك، مەملەكەت باسشىسىنىڭ جارلىعىمەن ازامات نەسىپباي ۇلى ەسقارايەۆ قازاقستان رەسپۋبليكاسىنىڭ ادىلەت ءمينيسترى لاۋازىمىنان بوساتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى