ەرلان قارين وزبەكستان پرەزيدەنتىنىڭ كومەكشىسى سايدا ميرزيەيەۆامەن كەزدەستى
استانا. KAZINFORM - مەملەكەتتىك كەڭەسشى ەرلان قارين وزبەكستان رەسپۋبليكاسى پرەزيدەنتىنىڭ كومەكشىسى سايدا ميرزيەيەۆامەن كەزدەستى. بۇل تۋرالى اقوردانىڭ باسپا ءسوز قىزمەتى حابارلادى.
قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين ەلىمىزگە جۇمىس ساپارىمەن كەلگەن وزبەكستان رەسپۋبليكاسى پرەزيدەنتىنىڭ كومەكشىسى سايدا ميرزيەيەۆامەن جۇزدەستى.
كەزدەسۋدە تاراپتار مادەني-گۋمانيتارلىق سالاداعى ەكى جاقتى قارىم-قاتىناستىڭ وزەكتى ماسەلەلەرىن، سونداي-اق بىرلەسكەن جوبالاردى جۇزەگە اسىرۋ پەرسپەكتيۆاسىن تالقىلادى. مادەنيەت جانە ونەر سالاسىنداعى ىقپالداستىقتى تەرەڭدەتۋ ءارى تاجىريبە الماسۋ ماسەلەلەرىنە باسا نازار اۋدارىلدى.
ەرلان قارين قازاقستاندا جۇرگىزىلىپ جاتقان وزگەرىستەر، سونىڭ ىشىندە پرەزيدەنت قاسىم-جومارت توقايەۆتىڭ ۇلتتىق قۇرىلتايدىڭ بۋرابايدا وتكەن IV وتىرىسىندا كوتەرگەن جاڭا باستامالارى تۋرالى ايتتى.
جۇمىس ساپارى اياسىندا ەكى ەل اراسىنداعى مادەني ديالوگتى دامىتۋعا باعىتتالعان ءىس-شارالار ۇيىمداستىرىلادى. اتاپ ايتقاندا، ەرلان قارين مەن سايدا ميرزيەيەۆا ءا. ناۋاي اتىنداعى وزبەكستان مەملەكەتتىك وپەرا جانە بالەت ۇلكەن تەاترىنىڭ «لازگي. تانەتس دۋشي ي ليۋبۆي» اتتى قويىلىمىن تاماشالادى. سونىمەن قاتار سۋرەتشى ورال تاڭسىقبايەۆتىڭ كەسكىندەمەلىك جانە گرافيكالىق جۇمىستارىنىڭ كورمەسى وتەدى.
كەزدەسۋ قورىتىندىسى بويىنشا تاراپتار مادەني-گۋمانيتارلىق سالاداعى تىعىز ىنتىماقتاستىقتى جالعاستىرۋعا ۋاعدالاستى.
ايتا كەتەلىك تۋريستەر ءاز-ناۋرىزدى بىردەن ەكى ەلدە - قازاقستان مەن وزبەكستاندا قارسى الا الاتىنى تۋرالى جازعان ەدىك.
