ەرلان قارين تالدىقورعانداعى اۆيابازاعا كەڭەس وداعىنىڭ ەكى مارتە باتىرىنىڭ اتى بەرىلگەنىن مالىمدەدى

«مەملەكەت باسشىسى قاسىم- جومارت توقايەۆ ۇلتتىق قۇرىلتايدىڭ اتىراۋدا وتكەن وتىرىسىندا ايگىلى ۇشقىشتىڭ ەسىمىن جۇرت جادىندا جاڭعىرتۋ ءۇشىن اۆيابازانى ونىڭ اتىمەن اتاۋدى ۇسىنعان بولاتىن»، - دەپ جازدى مەملەكەتتىك كەڭەسشى ەرلان قارين.

سەرگەي لۋگانسكي سوعىس جىلدارى 390 رەت اۋەگە كوتەرىلىپ، جەكە ءوزى جاۋدىڭ 37 ۇشاعىن، ال توپتىق شايقاستا 6 ۇشاقتى اتىپ ءتۇسىردى. ول اسكەرگە الماتىدان اتتانىپ، زاپاسقا شىققان سوڭ وسىندا قايتا ورالدى. سوندىقتان سەرگەي لۋگانسكييدىڭ ەسىمى بەرىلگەن اۆيابازا ونىڭ تۋعان قالاسىنىڭ اسپانىنا قورعان بولادى.

«مۇنىڭ سيمۆولدىق ءمانى بار. قازاقستاندا باتىرلاردىڭ ەسىمى ەشقاشان ۇمىتىلمايدى. بۇگىنگى ءىس- شارا — سونىڭ ايقىن دالەلى»، - دەلىنگەن جازبادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى