ەرلان قارين: اۋدان، قالا اكىمدەرىن سايلاۋ - ورتالىق ازياداعى العاشقى وسىنداي ساياسي تاجىريبە

بۇل تۋرالى قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين تەلەگرامداعى ارناسىندا جازدى.

"قازاقستاندا تۇڭعىش رەت اۋدان جانە وبلىستىق ماڭىزى بار قالا اكىمدەرى سايلاندى. وزدەرىڭىزگە ءمالىم، اۋىل اكىمدەرىن سايلاۋ 2 جىلدان بەرى وتكىزىلىپ كەلەدى (سودان بەرى 1700 گە جۋىق اكىم سايلاندى) .

اۋدان اكىمدەرىنىڭ سايلاۋى قوعامدا زور قىزىعۋشىلىق تۋعىزدى. 45 اكىم لاۋازىمىنا 125 ۇمىتكەر تالاستى. ولاردىڭ قاتارىندا ءتۇرلى سالانىڭ وكىلدەرى - ەكونوميستەر، زاڭگەرلەر، وقىتۋشىلار، ينجەنەرلەر، اۋىل شارۋاشىلىعى جانە باسقا دا سالا ماماندارى بولدى. 7 ساياسي پارتيانىڭ ءبارى اۋدان اكىمدەرىنىڭ سايلاۋىندا ءوز ۇمىتكەرلەرىن ۇسىندى. 1497 سايلاۋ ۋچاسكەسىندە كانديداتتار سەنىم بىلدىرگەن تۇلعالار، بايقاۋشىلار جانە بۇقارالىق اقپارات قۇرالدارىنىڭ وكىلدەرى، بارلىعى 8500 گە جۋىق ادام بايقاۋ جۇرگىزدى"،- دەدى مەملەكەتتىك كەڭەسشى.

سونداي- اق، ەرلان قارين اۋدان جانە وبلىستىق ماڭىزى بار قالا اكىمدەرىن سايلاۋ - ورتالىق ازيا ايماعىنداعى العاشقى وسىنداي ساياسي تاجىريبە ەكەنىن اتاپ ءوتتى.

جانە دە، وسىلايشا پرەزيدەنت قاسىم- جومارت توقايەۆتىڭ ساياسي رەفورمالارى وڭىردەگى ساياسي جاڭعىرتۋ ءىسىنىڭ جاڭا باعدارىن ايقىنداپ جاتقانىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى