رەكوردتىق كورسەتكىش: الماتى ەكونوميكاسى 10,1 پايىزعا ءوستى
الماتى. KAZINFORM - الماتىدا بارلىق الەۋمەتتىك- ەكونوميكالىق كورسەتكىش بويىنشا وڭ ديناميكا قالىپتاسقان.
الماتى اكىمدىگىنىڭ مالىمەتىنشە، 2023 -جىلى قالا ەكونوميكاسى 10,1 پايىزعا ءوسىپ، 24,8 تريلليون تەڭگەگە جەتتى. بۇل كەيىنگى 10 جىلداعى رەكوردتىق كورسەتكىش.
«ەكونوميكانى دامىتۋدىڭ درايۆەرلەرى: وڭدەۋ ونەركاسىبى %17,5 - عا ساۋدا 14,5 پايىزعا، قارجى جانە ساقتاندىرۋ قىزمەتى %12,0، اقپارات جانە بايلانىس (%11,3 جىلجىمايتىن مۇلىكپەن وپەراتسيالار 6,9 كولىك جانە قويمالاۋ 5,7 پايىزعا ءوستى»، - دەپ حابارلادى اكىمدىكتەن.
مەگاپوليس ەكونوميكاسىنىڭ دامۋى جوعارى ينۆەستيتسيالىق جانە ىسكەرلىك بەلسەندىلىكپەن قاتار ءجۇردى. 2023 -جىلى الماتى قالاسىنا 1,8 تريلليون نەگىزگى كاپيتالعا سالىنعان ينۆەستيتسيا %25,3 ءوستى، بۇل رەتتە جەكە ينۆەستيتسيا 35,5 پايىزعا ارتتى.
بىلتىر شاعىن جانە ورتا بيزنەس سۋبەكتىلەرى 19,3 تريلليون تەڭگەنىڭ ءونىم شىعاردى. بەلسەندى جۇمىس ىستەپ تۇرعان بيزنەس سۋبەكتىلەرىنىڭ سانى 340,1 مىڭ بىرلىك، بۇل 2022 -جىلمەن سالىستىرعاندا %16,2 - عا ارتىق.
«ەكونوميكانىڭ قارقىندى دامۋى جۇمىسسىزدىق دەڭگەيىن 2022 -جىلعى %5,0- دان 2023 -جىلى %4,8- عا دەيىن تومەندەتۋگە مۇمكىندىك بەردى. جالپى، الماتى قالاسىنىڭ قازاقستاننىڭ جالپى ىشكى ونىمىندەگى ۇلەسى %20,6- عا دەيىن ءوستى»، - دەپ اتاپ ءوتتى الماتى قالاسى اكىمدىگىنەن.
ەسكە سالا كەتەيىك، بۇعان دەيىن الماتىدا «اتاكەنت» كورمە كەشەنىنىڭ پاۆيلونى ورتەنگەنىن جازعان ەدىك.
اۆتور
الما مۇقانوۆا
